У СМІ трапіў падобны да сапраўднага кантракт, які даказвае продаж Расіі боепрыпасаў з боку Ірана
Брытанскія СМІ атрымалі доступ да магчымага кантракта на пастаўку зброі, які можа быць першым важкім доказам таго, што Іран прадаваў боепрыпасы Расіі для яе вайны ва Украіне.
Як піша «Еўрапейская праўда», з дакументам азнаёміўся брытанскі канал Sky News.
Калі гэты 16-старонкавы дакумент, датаваны 14 верасня 2022 года, аўтэнтычны, то ў ім гаворыцца пра ўзоры артылерыйскіх і танкавых снарадаў і ракет рознага памеру на агульную суму крыху больш за 1 млн даляраў.
Крыніца перадала тэлеканалу дакумент разам з пяццю старонкамі нібыта звязанага кантракта, які ўключае ў сябе ствалы для танка Т-72 і ствалы для гаўбіцы, а таксама снарады да яе. Гэтая здзелка каштавала каля 740 000 даляраў ЗША.
«Гэта кантракт паміж іранцамі і расіянамі па боепрыпасах… Мы лічым, што ён на 100% аўтэнтычны», — сцвярджае крыніца ў органах бяспекі Брытаніі.
Sky News паказаў дакументы прэм'еру Украіны Дзянісу Шмыгалю падчас яго візіту ў Вялікабрытанію ў маі, а таксама міністру замежных спраў Вялікабрытаніі Джэймсу Клеверлі.
Кіеў і Лондан заявілі, што плануюць расследаваць праўдзівасць матэрыялу і будуць прымаць меры, калі будзе ўстаноўлена, што ён заслугоўвае даверу.
«Мы падазравалі, што адбываецца нешта падобнае. Як толькі мы праверым гэта належным чынам, мы зможам дзейнічаць адпаведна», — сказаў амбасадар Украіны ў Брытаніі Вадзім Прыстайка.
«Калі нам будзе перададзена інфармацыя, мы будзем спрабаваць ацаніць яе і пацвердзіць. І, вядома, мы будзем прымаць рашэнні на аснове гэтага», — адзначыў у сваю чаргу кіраўнік МЗС Брытаніі Джэймс Клеверлі.
Прыстайка таксама заявіў, што кантракт, калі ён сапраўдны, ёсць доказам таго, што ў Расіі заканчваюцца вайсковыя запасы.
«Тое, што яны кажуць пра такія простыя рэчы, як узбраенне, як боепрыпасы, сведчыць пра тое, што расійская пазіцыя сапраўды даволі складаная», — адзначыў ён.
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1
Каментары