Вайна2121

«Беларус» з рэпартажу Азаронка, які ваюе за Расію, аказаўся ўраджэнцам Сургута

Беларускі прапагандыст у сваёй аўтарскай перадачы на тэлеканале СТБ расказаў пра сваю чарговую паездку на акупаваную тэрыторыю Украіны і паказаў «беларуса», які ваюе ў складзе акупацыйных расійскіх войскаў. Імя яго не называлі, паказалі толькі пазыўны «Салавей». 

Журналісты Reform.by знайшлі больш падрабязнасцей пра маладога чалавека. Выявілася, што ён грамадзянін Расіі і родам з Сургута.

Рыгор Азаронак спалохаўся гуку выбуху падчас запісу інтэрв'ю з Уладзіславам Салаўёвым. Скрыншот відэа

«Я б хацеў перадаць бабулі, дзядулю прывітанне. Яны з Горадні. І бацьку. Таксама ён з Горадні. Вось. Імя, прозвішча называць не буду. Яны мяне ўбачаць, зразумеюць, хто я», — гаворыць у кароткім інтэрв'ю вайсковец РФ.

Як высветліў Reform.by, яго завуць Уладзіслаў Аляксандравіч Салаўёў. Ён радавы і служыць у вайсковай часці 55351. Ва ўсякім разе грамату за подпісам камандзіра ВЧ 55351 старшага лейтэнанта Серафімава ён размясціў у сваім блогу.

У профілі «УКантакце» ён чамусьці пазначыў, што адносіцца да ПВК «Вагнер», а ў рэпартажы Ксеніі Лебедзевай (яна таксама была з Азаронкам на акупаваных тэрыторыях) гаворыцца аб тым, што Салаўёў служыць у інтэрнацыянальнай брыгадзе «Пятнашка».

Уладзіслаў выклаў 11 чэрвеня ў сваім блогу сумесныя фота і відэа з беларускімі прапагандыстамі, а ўжо 12-га чэрвеня напісаў: «Едзем у самы пі#$рэз, усіх люблю, цалую. Будзе магчымасць, адкажу, усім удачы». Імаверна, кадры былі зробленыя на акупаванай тэрыторыі Данецкай вобласці ў раёне Валнавахі.

Маладога чалавека прызвалі ў першую хвалю мабілізацыі ў верасні 2022 года з Сургута і некалькі месяцаў ён знаходзіўся ў «вучэбцы» ў Омску. У кастрычніку 2022 года ён публікаваў рэзкі зварот мабілізаваных з Омска з патрабаваннем увесці крэдытныя канікулы для іх і іх сем'яў, забяспечыць матэрыяльныя выплаты. 

Праз некалькі месяцаў Салаўёў трапіў на фронт.

Мяркуючы па фота з блога, малады чалавек раней адслужыў у расійскім войску. Ёсць сумеснае фота з яго бацькам. Гэты чалавек вельмі падобны да Аляксандра Дзямешчыка, жыхара расійскага мястэчка Ханымей. Там ён працуе начальнікам участка ў сістэме ЖКГ. У Гродзенскай вобласці прозвішча Дзямешчык сустракаецца часта.

Каментары21

  • фэйкамёты на маршы
    18.06.2023
    Азаронак наўмысна абраў для сюжэту расіяніна з мангалоіднымі рысамі твару выдаючы яго за беларуса? Гэта нейкі сабатаж ці Грыша сапраўды зачарованы і не разумея што да чаго? 
  • бандарава
    18.06.2023
    Цікава, зачэм?
    я на иво глижу 
    наглидецца не
    магу.. аБАЖаю
    иво
  • даведка
    18.06.2023
    Фото о том, как один российский рядовой двух упитанных белорусских пропагандистов прокормил (Азарёнка, Луща).
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Шрайбман: Цяперашнія канфлікты ў апазіцыі ўжо мала каго цікавяць14

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску11

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну6

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

У назвах станцый метро на выхадах з падземкі зніклі некаторыя літары1

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць