На сераду абвешчаны аранжавы ўзровень з-за моцных дажджоў і ветру
28 чэрвеня будзе пераважаць воблачнае надвор'е. Ноччу і раніцай на большай частцы краіны пройдуць дажджы, а днём у асобных раёнах — моцныя дажджы.
Фота: «Наша Ніва»
У начныя і ранішнія гадзіны месцамі на паўднёвым захадзе прагназуюцца вельмі моцныя дажджы. У асобных раёнах чакаюцца навальніцы.
Вецер пераменных кірункаў 5-10 м/с, пры навальніцах месцамі парывы ўзмоцняцца да 15-20 м/с. У сувязі з гэтым Белгідрамет абвясціў аранжавы ўзровень небяспекі.
Уначы будзе ад плюс 9°С да +15°С, удзень — ад 14°С да плюс +20°С. Месцамі да +23°С.
У Мінску ўначы +12..+14°С, удзень +16..+18°С. І ноччу, і днём прагназуецца дождж.
Каментары