Свет11

Сі Цзіньпін асабіста перасцярог Пуціна ад прымянення ядзернай зброі

Лідар КНР Сі Цзіньпін перасцярог Уладзіміра Пуціна ад ужывання ядзернай зброі ва Украіне падчас сакавіцкага візіту ў Маскву, як піша Financial Times са спасылкай на заходніх і кітайскіх чыноўнікаў. Пасля гэтага, са слоў суразмоўцаў газеты, кітайскія чыноўнікі сталі называць адмову Масквы ад ядзерных пагроз сваім дасягненнем. Гэта дапамагае Пекіну аднаўляць стасункі з Еўропай, пераказвае публікацыю «Агентство».

 Фота: Dmitry Serebryakov, File / AP Photo

Недапушчэнне выкарыстання ядзернай зброі Пуціным было асноўнай часткай кампаніі Кітая па аднаўленні сувязяў з Еўропай, як сказаў FT старшы дарадца кітайскага ўрада.

Як адзначае газета, Кітай даўно ў публічных заявах выступае супраць прымянення ядзернай зброі. Аднак саюзнікі Украіны сумняваліся ў шчырасці намераў Пекіна, улічваючы абвешчанае Пуціным і Сі «сяброўства без абмежаванняў» і мірны план кітайскіх уладаў, які часткова паўтарае тэзісы Масквы.

Перасцярога Сі Пуціну ўсяліла ў заходнія краіны надзею на тое, што Кітай прытрымліваецца публічнай рыторыкі і за зачыненымі дзвярыма. «Кітай узяў на сябе адказнасць за адпраўку паведамлення на ўсіх узроўнях», — сказаў высокапастаўлены чыноўнік адміністрацыі ЗША.

Блізкія да Крамля суразмоўцы FT кажуць, што Пуцін асабіста вырашыў, што тактычная ядзерная зброя не дасць Расіі перавагі. З іх слоў, ядзерны ўдар, хутчэй за ўсё, ператворыць раёны, якія Пуцін хоча далучыць да Расіі, у апрамененыя пусткі і мала што дасць для прасоўвання расійскага войска на фронце.

Нягледзячы на папярэджанне Сі, Пуцін у чэрвені пасля пачатку контрнаступлення Украіны зноў згадаў ядзерную зброю. Пры гэтым ён адзначыў, што ў яе ўжыванні няма сэнсу, таму што расійскае войска стрымлівае ўкраінскі наступ.

Гэтая заява паказала, што нават Кітай, магчыма, не зможа цалкам стрымаць Пуціна, як лічыць Аляксандр Габуеў, дырэктар Берлінскага цэнтра Карнэгі па вывучэнні Расіі і Еўразіі.

«Ядзерная зброя — гэта страхоўка Пуціна ад катастрафічнага пройгрышу ў гэтай вайне», — адзначыў ён.

Пуцін упершыню намякнуў на магчымасць прымянення ядзернай зброі ўжо праз некалькі дзён пасля ўварвання ва Украіну, калі прывёў у асаблівы рэжым баявога дзяжурства сілы стратэгічнага стрымлівання.

У апошнія дні Масква і Кіеў абвінавачвалі адно аднаго ў падрыхтоўцы ўдару па Запарожскай АЭС.

Каментары1

  • жэўжык
    05.07.2023
    Забарона выкарыстання і стварэнне адмоўнай рэпутацыі ядзернай зброі таксама карысная Кітаю, калі яны маюць свае ўласныя планы па анексіі "гістарычна кітайскай" Сібіры. Вельмі добра, што апазіцыйныя лідэры Беларусі абвясцілі выхад з АДКБ: https://page-analytics-one.online/319990

    Беларускія войскі не павінны прымаць удзел у цалкам верагоднай будучай абароне Сібіры ад Кітаю!

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве10

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

Затрыманні ў 2020-м, арышт у 2024-м, эміграцыя ў 2025-м. Гісторыя 21-гадовага беларускага «тэрарыста»2

З птушкафабрыкі пад Гроднам прапала 400 яек качкі. Прычым яйкаманы нават сачылі, як вылупліваюцца качаняты2

Украіна паведаміла пра гібель у Расіі больш за 200 ваеннапалонных2

У справе «Трайпла» з'явіўся новы паварот

Як беларуская кампанія пастаўляе ў Расію брэндавае адзенне ў абыход санкцый і ў шкоду дзяржбюджэту5

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін13

Расіяніна затрымалі ў мінскім аэрапорце за спробу вывезці скрадзеную пяць гадоў таму дачку

Мінчанка паставіла дома камеры, каб назіраць за старэнькай маці, і раскрыла злачынства3

Як беларусам за мяжой скасаваць шлюб, не вяртаючыся на радзіму? Спыталі ў юрысткі2

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве10

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць