Група турыстаў апынулася ў пастцы ў былым доме пісьменніцы Агаты Крысці ў Дэване ў пятніцу 14 ліпеня пасля таго, як праз непагадзь вялікае дрэва ўпала на адзіную дарогу, якая вядзе да сядзібы, і заблакавала выезд.

Маёнтак Агаты Крысці, які наведвалі турысты. Фота: Getty Images
Як паведамляе CNN, турысты, якім больш нічога не заставалася рабіць, пілі гарбату, гулялі ў гольф і кракет і чыталі дэтэктыўныя раманы.
Напрошваецца паралель з культавым раманам Крысці «Дзесяць негрыцянят», у якім дзесяць незнаёмцаў, запрошаных у аддалены асабняк ля ўзбярэжжа Дэвана, загадкавым чынам гінуць адно за адным.
Турыстаў напаткаў менш жудасны лёс. Яны правялі ў асабняку ўвесь дзень і пасля таго, як ратавальнікі расчысцілі дарогу, змаглі пакінуць маёнтак.
Каментары
не разумею... гэта ж прымітыў
гэтаксама, як не разумею, як дарослы чалавек можа захапляцца Гары Потэрам?
хочацца спытаць у такога дарослага - чалавек, ты што - казак да гэтага не чуў не чытаў? ты нарадзіўся і адразу пайшоў працаваць? і толькі на пенсіі рашыў дзіцячыя казкі пачытаць?