Верхаводнік сіцылійскай мафіі, якога вызвалілі з турмы пасля таго, як ён здолеў давесці, што спаралізаваны і мае анарэксію, быў затрыманы паліцыяй зноў. Што такое? Проста паліцыянты перастрэлі яго зусім без інваліднага вазка за абедам у мясцовай рэстарацыі, тымчасам як той намагаўся ўдаць, што здзіўлены і ўражаны не менш за іх.
Паліцыянты затрымалі 36-гадовага Кармэла дэ Стэфана ў сіцылійскам гарадку Катанья, калі той еў у рэстаране на беразе мора. Калі ж адзін з паліцыянтаў спытаў дэ Стэфана, чаму сіньёр не ў вазку, той выгукнуў: «Гэта цуд!». З следства выявілася, што ў рэстаран мафіянер прыехаў на ўласным аўто.
Яшчэ даўней дэ Стэфана быў абвінавачаны ў забойстве, сяброўстве ў бандыцкай групоўцы і гандлі наркотыкамі, а суд вырак яго на 30 гадоў зняволення. Аднак спрактыкаваны ў падлогах злачынец падрабіў прызнакі калецтва (нібыта выкліканага агульным паралюшом), а таксама сімптомы вострай формы анарэксіі. Дзякуючы тым доказам дэ Стэфана адпусцілі пад хатні арышт да жонкі ў працілеглым бок Італіі, у Балонью, але ў верасні крымінальнік уцёк, парушаючы гэтак умовы зняволення.
Дарэчы, на думку паліцыянтаў, каб зымітаваць апошнюю хваробу, анарэксію, дэ Стэфана «толькі дзякуючы сіле волі» пахудзеў на 38 кілаграм.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя15
Каментары