Сёння раніцай у Беларусь прыбыла дзясятая калона наймітаў ПВК «Вагнер». У калоне як мінімум 10 адзінак тэхнікі: КамАЗ тэнт, некалькі ўазікаў, мікрааўтобус Volkswagen Transporter і не менш за шэсць фур, паведамляе «Беларускі Гаюн».
У большасці машын нумары заклееныя, у астатніх — нумарныя знакі РФ і так званых «ЛДНР». Калону суправаджае беларуская ДАІ.
Характэрна, што гэта калона змяніла маршрут і, у адрозненне ад папярэдніх, прайшла не цалкам па Р-43 і далей па М-5, а каля Чэрыкава збочыла на Р-122 у напрамку Магілёва і далей па М-8 у напрамку Р-93 на Бабруйск.
Лагер для вагнераўцаў у Беларусі разбілі каля вёскі Цэль у Асіповіцкім раёне.
Раней кіраўніцтва ПВК «Вагнер» заяўляла, што ў Беларусь перабазуецца да 10 тысяч байцоў гэтай кампаніі.
ПВК «Вагнер» фармальна лічыцца прыватнай вайсковай кампаніяй, але фактычна была створаная Генштабам Расіі для выканання спецыяльных задач і пад выглядам, што за гэтым не стаіць афіцыйная Масква. ПВК «Вагнер» панесла цяжкія страты падчас нападу на Украіну. Паводле інфармацыі кіраўніцтва структуры, па стане на 20 мая з 79 тысяч наймітаў былі забітыя 22 тысячы, параненыя 40 тысяч.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Да «Дня народнага адзінства» памілавалі 25 чалавек4
Каментары