Украіна можа адмовіцца ад байкоту спаборніцтваў з удзелам расіян і беларусаў
Украіна разглядае пытанне ўдзелу ўкраінскіх спартоўцаў ва ўсіх кваліфікацыйных спаборніцтвах да Алімпіяды 2024 года ў Парыжы, нават калі ў іх будуць удзельнічаць расіяне і беларусы пад нейтральным сцягам.
Міністр моладзі і спорту Украіны Вадзім Гутцайт сказаў пра гэта ў эфіры тэлемарафону.
«Расіі і Беларусі як афіцыйных краін не будзе на Алімпійскіх гульнях. І цяпер мы ўжо пачалі дыскусію аб магчымасці, калі не будзе Расіі і Беларусі на Алімпійскіх гульнях, каб нашы спартсмены ўжо ўдзельнічалі ва ўсіх кваліфікацыйных спаборніцтвах да Алімпійскіх гульняў, якія будуць праходзіць у Парыжы ў 2024 годзе», — прыводзіць яго словы «Украінская праўда».
На пытанне «Ці можа Украіна дазволіць спартсменам удзельнічаць у спаборніцтвах з расіянамі і беларусамі, якія будуць выступаць пад нейтральным сцягам?» Гутцайт сказаў: «Цяпер мы гэтае пытанне разглядаем. Мы вядзём дыскусіі з нашымі ўкраінскімі федэрацыямі, з нашымі спартоўцамі».
Міністр падкрэсліў, што Украіна дамагалася таго, каб сцягоў і іншай сімволікі Расіі і Беларусі на Алімпіядзе не было.
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты3
Каментары
Якая мілата