Грамадства1111

Іосіф Сярэдзіч пакідае пасаду галоўнага рэдактара «Народнай Волі». Лёс выдання пад пытаннем

Ён быў галоўным рэдактарам выдання на працягу 28-мі гадоў з моманту заснавання газеты ў ліпені 1995 года.

Іосіф Сярэдзіч. Фота: «Радыё Свабода»

«Я зыходжу. З болем у сэрцы я вымаўляю гэтыя словы. Але жыццё ёсць жыццё. Праз пару месяцаў мне споўніцца 75 гадоў. І хочаш не хочаш, трэба развітвацца з цяжкай штодзённай працай, і здароўе нагадвае пра неабходнасць спыніцца, і абставіны часу не спрыяюць актыўнай дзейнасці.

Вы, шаноўныя прыхільнікі «Народнай Волі», ведаеце, на якія ганебныя крокі пайшлі пэўныя сілы, каб нас разлучыць, спачатку адмовілі ў друкарскіх паслугах, а нядаўна анулявалі пасведчанне аб рэгістрацыі газеты, якая на працягу больш за 10 гадоў не мела ніводнага папярэджання ні ад Міністэрства інфармацыі, ні ад Адміністрацыі прэзідэнта. Без усялякіх падстаў знішчылі выданне, якое з'яўлялася ўзорам для ўсіх беларускіх СМІ», — напісаў Іосіф Сярэдзіч у звароце.

«На развітанне хачу сказаць, што за 28 гадоў мы, нарадавольцы, не здрадзілі ні сумленню, ні Свабоднаму Слову, ні Радзіме! Застанёмся такімі і надалей», — дадаў Сярэдзіч.

«Я адыходжу з Энгельса, 34А, дзе амаль тры дзесяцігоддзі месціўся рэдакцыйны офіс, але заўсёды буду разам з Вамі, мае прыхільнікі, усе добрыя людзі! Дзякуй Вам, шаноўныя, за шчырую падтрымку, за Ваш жыццесцвярджальны голас, які гучаў са старонак кожнага нумара незалежнай газеты», — заключыў ён.

Іосіф Сярэдзіч таксама паведаміў, што правы ўласніка сайта nv-online.info ён перадаў іншай асобе, таму электронны партал не знікае з інфармацыйнага поля. «І хочацца спадзявацца, што сайт як даносіў, так і будзе даносіць ПРАЎДУ да шырокай грамадскасці», — дадаў Іосіф Сярэдзіч.

Іосіф Сярэдзіч у 1990—1995 гады ўзначальваў «Народную газету», якая была органам парламента і карысталася шалёнай папулярнасцю. Яе наклад сягаў пад 500 тысяч асобнікаў. У пачатку 1995 года Сярэдзіча звольнілі з пасады галоўнага рэдактара, і ён заснаваў разам з аднадумцамі ў ліпені 1995 года «Народную Волю», газета амаль адразу зведала цяжкасці і першыя гады друкавалася ў Смаленску.

***

Рэдакцыя «Народнай Волі» была вымушаная спыніць друк газеты ў лістападзе 2020 года пасля таго, як улады забаранілі з ёй супрацоўнічаць усім беларускім друкарням і перакрылі магчымасці друкавацца за мяжой.

Газета выдавалася ў PDF-фармаце, але ў пачатку 2023 года было прыпынена і гэта, а ў чэрвені Мінінфарм ануляваў пасведчанне аб рэгістрацыі. 31 ліпеня перастаў абнаўляцца сайт выдання.

Каментары11

  • даведка
    04.08.2023
    «Народную Волю» продали?.. Уже который день при попытке зайти на сайт газеты выдаёт заглушку:  
    Уважаемые читатели, сайт на пару дней закрыт на техобслуживание в связи со сменой владельца домена.
  • Acab
    04.08.2023
    Такой бяды, бюджэтных выданьняў, што праўладных, што антыўладных, – ручкі ад торбы адрываюцца. Інфармацыйнае поле выпаленае дзяржаўнымі смі (ўласна дзяржаўеымі бссраўскімі і "заходнедзяржаўнымі", арыэнтаванымі на беларусь), так што нават залежнаму ад аўдыторыі, скіраванаму на кліента, блёгеру (маўчу пра паўнафарматнае смі) цяжка ўвапнуцца
  • Acab
    04.08.2023
    даведка, спадзявацьмемся, нешта карыснае зробяць, напрыклад порнасайт, замест чарговага БТ па модулі са знакам мінус (адваротна-люстэркавымі інтэнцыямі), перапаўтараючага адно за адным БТшныя нішчымніцы, затое скіраваныя ў працілеглы бок.

Цяпер чытаюць

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада

Усе навіны →
Усе навіны

Ва Уруччы высекуць сквер пад праваслаўную царкву. Натхняліся раннехрысціянскай архітэктурай Рыма22

Трамп адмяніў сустрэчу з Пуціным у Будапешце1

ЗША абвясцілі пра санкцыі супраць «Раснафты» і «Лукойла»8

На вайне з Украінай загінуў сын былога міліцэйскага начальніка з Віцебска23

ЗША знялі ключавое абмежаванне на ўдары дальнабойнымі ракетамі па Расіі — WSJ5

Выбух адбыўся на абаронным заводзе ў Чалябінскай вобласці. Ёсць ахвяры6

Як Фядыніч адкрыў аўтобус Статкевічу на мяжы і як Вінярскі таксама выйшаў, каб застацца ў Беларусі. Новыя падрабязнасці3

Генеральны сакратар НАТА падтрымаў ідэю Трампа спыніць вайну ва Украіне па лініі фронту

Лукашэнка загадаў чыноўнікам праводзіць нарады на выходных і пасля працы3

больш чытаных навін
больш лайканых навін

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5

«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада

Галоўнае
Усе навіны →

Заўвага:

 

 

 

 

Закрыць Паведаміць