У Полацку немаўля выпадкова зачынілі ў машыне, спатрэбілася дапамога ратавальнікаў
У Полацку дзяўчынка, якой няма і года, апынулася адна ў замкнёным аўтамабілі. На дапамогу давялося выклікаць ратавальнікаў.
Скрыншот відэа
Маці дзіцяці выгружала рэчы з аўтамабіля. Электронны ключ трапіў у салон, спрацаваў цэнтральны замок — і дзверцы аўтамабіля зачыніліся. Дзяўчынка засталася ў салоне з закрытымі вокнамі, і мама не магла дастаць дзіця. Між тым аўтамабіль стаяў на сонцы, а тэмпература паветра на дварэ дасягала 26°С.
Выратавалі сітуацыю толькі супрацоўнікі МНС, якіх выклікалі: яны праз багажнік трапілі ў салон і адчынілі адны дзверцы. Дзіця перадалі медыкам. Дзяўчынку агледзелі, шпіталізацыя ёй не спатрэбілася, як паведамляе МНС.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне14
Каментары