Батсвана прыгразіла адправіць у Германію 40 тысяч сланоў з-за спрэчкі вакол слановай косці
Улады Батсваны рэзка абвастрылі канфлікт з Германіяй вакол палітыкі аховы сланоў. Міністр навакольнага асяроддзя Вінтэр Байпуса Малотсі заявіў, што яго краіна гатовая «дэпартаваць» у Германію 40 тысяч сланоў.
Паводле яго слоў, вялікая колькасць сланоў у краіне прыводзіць да разбурэння сельскагаспадарчых угоддзяў і гібелі людзей, а забарона на гандаль слановай косцю пазбаўляе дзяржаву сродкаў для кампенсацый фермерам, піша Bild.
«Нам не патрэбная дапамога ў развіцці. Мы хочам зарабляць уласныя грошы, у тым ліку і на жывёлах. Нядобра прасіць міласціну. Камусьці, відаць, падабаецца бачыць нас у такім становішчы», — сказаў Малотсі.
Прычынай рэзкіх заяў стала пазіцыя Берліна, які, як і Еўрапейскі саюз у цэлым, выступае супраць адкрыцця нават сертыфікаванага гандлю слановай косцю.
Паводле даных Малотсі, цяпер у краіне налічваецца каля 150 тысяч сланоў, а на складах захоўваецца 160 тон слановай косці, пераважна ад жывёл, што загінулі натуральнай смерцю.
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары
Розніца з лукашэнкаўскім бульбастанам сапраўды не вялікая, а зараз яшчэ сашкіны пакістанскія імігранты падцягнуцца- будзе ўвогуле весела. Сланоў няма-будзем грозіць шведу зубрамі або бабрамі.)