Гісторыя33

Унікальныя артэфакты зноў знайшлі на месцы былой загараднай рэзідэнцыі полацкіх князёў

Двухтыднёвая археалагічная экспедыцыя Інстытута гісторыі НАН Беларусі на беразе возера Чарсцвяды Ушацкага раёна чарговы раз аказалася паспяховай. Археолагі знайшлі ўнікальныя артэфакты, якія, верагодна, належалі полацкім князям, паведамляе Інстытут гісторыі НАНБ.

Фота: Марат Клімаў

«Мы ўжо трэці год даследуем былую загарадную рэзідэнцыю полацкіх князёў. Гэтым разам знайшлі рэдкую пломбу-пячатку, якая, магчыма, належала аднаму з полацкіх князёў, а сёння паднялі частку дзіцячай керамічнай свісцёлкі з выявай купала храма», — расказаў старшы навуковы супрацоўнік Інстытута гісторыі НАН Беларусі кандыдат гістарычных навук Марат Клімаў.

Фота: Марат Клімаў

Маляўнічыя пейзажы возера Чарсцвяды ўражваюць і сёння, а дзевяць стагоддзяў таму імі любаваліся полацкія князі. Чатыры гады таму гэта яшчэ, праўда, ставілася пад сумнеў, а сёння ўжо выглядае пацверджаным фактам.

Фота: Марат Клімаў

Гісторыкі абгрунтавалі, што ў Чарсцвядах знаходзілася загарадная рэзідэнцыя полацкіх князёў XII стагоддзя, археолагі выявілі яе фрагменты ў 2019-м годзе. Дзевяць стагоддзяў гісторыі падзяляў метр зямлі.

Фота: Марат Клімаў

Тады ж знайшлі і першае пацвярджэнне — кераміку XII стагоддзя, фрагменты візантыйскіх амфар, ключа, гіру для ўзважвання манет.

Фота: Марат Клімаў

«Важна, што тады выявілі і кніжную зашпільку, а кнігі ў XII стагоддзі былі толькі ў Полацку, іх перапісваннем займалася сама святая Еўфрасіння», — падкрэсліў Марат Клімаў.

Фота: Марат Клімаў

Калі археолагі знайшлі свісцёлку, то выказалі здагадку, што калі тут у першай палове XII стагоддзя была рэзідэнцыя полацкіх князёў, значыць, яшчэ маленькай, да адыходу ў манастыр, тут напэўна бывала Еўфрасіння Полацкая, адпачывала, любавалася прыродай. І, магчыма, тут, на ўлонні прыроды, яна і задумалася пра манаства. Таксама магчыма, што тут стаяў храм са стандартнымі авальнымі купаламі.

«Вядома, гэта толькі версія. Цяпер спрабуем рабіць рэканструкцыю, а па вяртанні з экспедыцыі трэба будзе яшчэ шэраг праверак», — сказаў Марат Клімаў.

Каментары3

  • умка
    04.08.2023
    праз сотні год гэтаксама будуць радавацца колінай пластыкавай свісцёлцы? то бок залатому пісталеціку?
  • Axel Justas
    04.08.2023
    Эх, зачэрпнем архелы з вядзёрка! Хто ў тэме, стаўце лайкі 😊
  • Лакіза
    05.08.2023
    Фантазёр гэты Клімаў, аднака
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў1

«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў

Усе навіны →
Усе навіны

«Карацей, псеўдаветэраны». «Войска НКВД». Тыкток паставіў дыягназ парадам25

Аўтар расійскага «Коммерсанта» выбачыўся перад Лукашэнкам за тое, як апісаў ягоны прыезд на парад17

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны20

Праўладныя каналы абурыліся паводзінамі падлеткаў падчас салюту ў Магілёве. Дзяўчатак ужо знайшлі сілавікі19

Стала вядома, што будзе з закрытым «Домам кіно» у Мінску4

Крэпасці, каналы і лунаючыя скалы. Куды паехаць з Гродна на вялікія майскія выхадныя4

Расія закрые неба над Капусціным Ярам. Раней так рабілі пры атацы «Арэшнікам»

Максім Недасекаў выставіў на продаж машыну. Сцвярджае, што хоча набыць нерухомасць8

Еўрапейскія лідары прыехалі ў Кіеў

больш чытаных навін
больш лайканых навін

«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў1

«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў

Галоўнае
Усе навіны →

Заўвага:

 

 

 

 

Закрыць Паведаміць