П'яны мужчына на Зыбіцкай хацеў пагутарыць з амапаўцамі і пашкодзіў ім аўтамабіль
У суд накіравалі справу ў дачыненні да 24-гадовага жыхара Мінскага раёна, якога абвінавачваюць у хуліганстве. Пра гэта паведаміла агенцтва «Мінск-Навіны» са спасылкай на пракуратуру Цэнтральнага раёна.
Паводле матэрыялаў справы, хлопец усю ноч адпачываў у барах на вуліцы Зыбіцкай, а зранку, будучы ў нецвярозым стане, стаў збірацца дадому. На вуліцы ён заўважыў Ford Transit, з якога выйшлі амапаўцы, выкліканыя ахоўнікам адной з устаноў.
Падазраванаму, як паведамляецца, нечага захацелася пагутарыць з амапаўцамі, і ён паспрабаваў адчыніць зачыненыя дзверцы іх службовага аўто. Калі гэта не ўдалося, ён моцна ўдарыў па машыне, з-за чаго на кузаве ўтварылася ўвагнутасць.
Пасля таго мужчыну затрымалі і даставілі ў РУУС. Яму выставілі абвінавачванне ў хуліганстве на падставе ч. 1 арт. 339 КК РБ. Максімальная санкцыя артыкула — да 3 гадоў пазбаўлення волі.
Сваю віну малады чалавек прызнаў і кампенсаваў прычыненую шкоду, якая склала каля 1450 рублёў.
Фігурант працуе інжынерам, раней да крымінальнай адказнасці не прыцягваўся.
Цяпер чытаюць
Лукашэнка даручыў Рыжанкову пачаць перамовы з літоўцамі9
Каментары