Афіцыйна заказнік мясцовага значэння «Пойма Львы» ў Столінскім раёне адкрыюць 26 жніўня ў рамках XVII Рэспубліканскага экалагічнага форуму. Агульная плошча заказніка, паводле паведамлення Столінскага райвыканкама, складае амаль 2,4 тыс. гектара, піша «Медыя-Палессе».
На тэрыторыі новага заказніка зарэгістравана 588 відаў вышэйшых сасудзістых раслін, што складае 35% ад агульнай колькасці відаў флоры Беларусі.
Таксама тут адзначаны 181 від наземных пазваночных жывёл, у тым ліку 27 відаў птушак і 8 відаў сысуноў, уключаных у Чырвоную кнігу.
Заказнік з'яўляецца ключавой арніталагічнай тэрыторыяй для вялікага арляца і палявога луня.
На тэрыторыі заказніка «Пойма Львы» будзе дзейнічаць рэжым, вызначаны для прыродных тэрыторый з асаблівай аховай.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу27
Каментары