МЗС Польшчы правяло сустрэчу з прадстаўнікамі арабскіх краін наконт уцекачоў з іх на тэрыторыі Беларусі
Намеснік кіраўніка МЗС Польшчы Павел Яблонскі правёў сустрэчу з прадстаўнікамі амбасад арабскіх краін па тэме Беларусі і міграцыйнага крызісу на мяжы з ёй. Пра гэта 29 жніўня паведаміла выданне Portal Samorządowy са спасылкай на польскае МЗС.
Асноўнымі тэмамі абмеркавання стаў удзел «беларускага рэжыму у спробах дэстабілізаваць Польшчу і Еўрасаюз», а таксама каардынацыя мер па супрацьдзеянню падобным паводзінам з боку Беларусі і Расіі.
«Беларускі рэжым прыцягвае да сябе грамадзян блізкаўсходніх краін пад маркай платнага пранікнення ў краіны ЕС з мэтай дэстабілізацыі абстаноўкі ў Польшчы і Еўропе. Гэта з'яўляецца часткай гібрыднай вайны Лукашэнкі, якую той праводзіць у тым ліку пры ўдзеле ПВК «Вагнер». Гэта неабходна спыніць», — заявілі прадстаўнікам арабскіх краін у МЗС Польшчы.
Апроч гэтага, прадстаўнік польскага МЗС Павел Яблонскі расказаў, што з мігрантамі з арабскіх краін у Польшчы абыходзяцца годна і па законах ЕС.
Дыпламат таксама адзначыў, што неабходна «выпрацоўка механізма па інфармаванні Польшчы з боку арабскіх партнёраў наконт кожных спробаў Беларусі і Расіі прыцягваць новых мігрантаў для пранікнення ў ЕС».
Нагадаем, што праз пастаянныя спробы незаконнага перасячэння польска-беларускай мяжы і наяўнасць у Беларусі некалькіх тысяч наймітаў ПВК «Вагнер» Польшча пачала істотна павялічваць колькасць сваіх узброеных сіл побач з Беларуссю і нават прапрацоўвае план поўнага закрыцця мяжы.
У дадатак да гэтага польскія ўлады выказалі жаданне размясціць у сябе амерыканскую ядзерную зброю ў адказ на размяшчэнне такой жа ў Беларусі з боку Расіі.
Мы настойваем на тым, каб пасажырскі рух паміж нашымі краінамі не спыняўся так доўга, наколькі гэта магчыма — Франак Вячорка
Як выглядае эканамічнае супрацоўніцтва Польшчы з Беларуссю напярэдадні магчымага закрыцця межаў. Здаецца, Польшчы ёсць што губляць
У Польшчы праанансавалі механізмы ратавання беларусаў ад рэпрэсій у выпадку поўнага закрыцця мяжы
Юрась Зянковіч расказаў пра сваё вызваленне і шлях у ЗША6
Каментары