МАК не дазволіў беларусам і расіянам удзельнічаць у Азіяцкіх гульнях. Яны хацелі здабыць там алімпійскія ліцэнзіі
Алімпійская рада Азіі паведаміла, што спартсменаў з Беларусі і Расіі не дапусцілі да ўдзелу ў Азіяцкіх гульнях, якія пачнуцца 23 верасня ў кітайскім Ханчжоу, піша «Спорт-экспресс».
«Ніякіх расійскіх ці беларускіх атлетаў. І гэта рашэнне МАК, а не Алімпійскай рады Азіі», — гаворыцца ў заяве арганізацыі.
На гэтым турніры расіяне і беларусы разлічвалі атрымаць алімпійскія ліцэнзіі.
У студзені Алімпійская рада Азіі прапанавала спартсменам з Расіі і Беларусі выступіць на Азіяцкіх гульнях. Аднак рада не атрымала на гэта адпаведнага дазволу ад Міжнароднага алімпійскага камітэта (МАК).
У сакавіку 2023 года МАК рэкамендаваў дапускаць да спаборніцтваў у нейтральным статусе тых расіян і беларусаў, якія не дэманстравалі публічна сваёй падтрымкі развязанай Расіяй пры саўдзеле рэжыму Лукашэнкі вайне, а таксама не звязаныя з вайсковымі структурамі абедзвюх краін. Аднак рашэнне не распаўсюджваецца на камандныя віды спорту.
Алімпійскія гульні ў Парыжы маюць прайсці з 26 ліпеня па 11 жніўня 2024 года.
Галыгіна прымусілі апраўдвацца за зварот да сілавікоў у 2020-м17
Каментары