У панядзелак раніцай быў аднародаваны чарговы рэйтынг-ліст, падрыхтаваны Асацыяцыяй тэнісістаў-прафэсіяналаў.
У параўнаньні зь мінулым тыднем пазыцыі найлепшага гульца Беларусі Максіма Мірнага амаль не зьмяніліся. У чэмпіёнскай гонцы 2006 г. беларус застаўся на 53-м месцы, маючы ў сваім актыве 101 пункт. Першае месца ўпэўнена займае швайцарац Ражэ Фэдэрэр (1117 пунктаў).
У «скразным» рэйтынгу ATP Мірны згубіў дзьве пазыцыі і займае 56-е месца. На ягоным рахунку 710 пунктаў. Тут таксама ўпэўнена лідзіруе Ражэ Фэдэрэр (7 760).
У гэтым табэлі прасутнічаюць іншыя беларусы: Уладзімер Ваўчкоў займае 623-е месца (32 балы), Павал Катляроў – 922-ы (11), Сяргей Тарасевіч – 990-ы (9), Ягор Пунтус – 1011-ты (8), Сяргей Васін, Яўген Міхееў, Сяргей Бетаў і Павал Чарнушчын дзеляць 1558 месца.
Значна лепшыя пазыцыі Максіма Мірнага ў парным рэйтынгу. У індывідуальным рэйтынгу парных тэнісістаў ён займае трэцяе месца (5 230 балаў), на 150 балаў апярэджваючы свайго напарніка швэда Юнаса Б’ёркмана. Першае месца дзеляць амэрыканцы Майк і Боб Браяны (6 410 балаў).
У рэйтынгу дуэтаў пара Мірны/Б’ёркман (729) займае другую пазыцыю, саступаючы братам Браянам (1 017).
На гэтым тыдні Максім Мірны возьме ўдзел у тэнісным турніры ў амэрыканскім Цынцынаці, а пры канцы жніўня – у адкрытым чэмпіянаце ЗША.
-
«Польшча стала не тая, што раней». Эмігранты, якія вярнуліся ў Беларусь, патлумачылі чаму і падзяліліся ўражаннямі
-
Стала вядома, навошта на фасад аднаго з гістарычных будынкаў у Мінску падчас рэканструкцыі паставілі металічныя калоны
-
«Ва Украіне ніхто не верыць, што там такое робіцца». Украінец, якога затрымалі ў Беларусі за два дні да вайны, расказаў пра пакуты за кратамі
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады5
Каментары