Моды1414

Кроксы ад «Марка», мартэнсы ад «Праменя». Шукаем стыльны абутак беларускіх вытворцаў

Мы знайшлі модныя пары, якімі варта дапоўніць восеньскія лукі.

Як і большасць прадпрыемстваў беларускай лёгкай прамысловасці, вытворцы абутку не спяшаюцца гнацца за трэндамі. Шматлікія мадэлі распрацаваныя дзесяцігоддзі таму, а якасць пашыву пакідае жадаць лепшага. Але з соцень неактуальных пар, вырабленых на айчынных прадпрыемствах, мы знайшлі некалькі па-сапраўднаму модных варыянтаў.

Belwest: унісэкс і кеды

Рэчы «ўнісэкс», якія пасуюць для абодвух палоў, трывала ўвайшлі ў моду ў пачатку 1960-х. У той час пачалі пераглядацца стэрэатыпныя гендарныя ролі, у тым ліку пераасэнсоўвалася і становішча жанчыны ў грамадстве. У знак падтрымкі новай плыні дзяўчаты мянялі сукенкі на мужчынскія штаны, а абцасы — на зручныя боты. З часам да трэнду далучыліся мужчыны: так у сучасны мужчынскі гардэроб увайшлі лёгкія тканіны, далікатныя колеры і карункі. Апошнія для аднаго са сваіх вобразаў абраў нават музыка Лявон Вольскі.

У Belwest таксама ёсць некалькі гендарна-нейтральных мадэляў. Напрыклад, чаравікі ў стылі мілітары. Каштуюць такія пары каля 130 даляраў, а знайсці іх можна ў жаночым аддзеле.

Белвест
Фота: сайт брэнда Belwest

Аматаркам стылю Old Money можна прыгледзецца да белых класічных кедаў. Мадэль доўга будзе заставацца актуальнай і выдатна ўпішацца ў базавы гардэроб.

Белвест
Фота: сайт брэнда Belwest

Брэнд не абышоў увагай мужчын: ім прапануюць спартыўныя чаравікі з настроем «Алімпіяды-80». Такія вырабляюцца ў двух колерах — чорным і балотна-зялёным. Насіць пару можна як са спартовымі лукамі, так і дапаўняць імі класічныя камплекты.

Кроксы ад Marko

Віцебскі брэнд уразіў наяўнасцю гумавых тапак мадэлі «Крокс». Пара ад Marko мала чым адрозніваецца ад арыгінала: крыху змененыя памеры дзірак і сам лагатып. Зрэшты, розніца бачная толькі ў цане: арыгінал каштуе каля 50 даляраў, беларуская копія — 7.

Марко
Злева — Crocs, справа — «Марка». Фота: сайты брэндаў

У восеньскай калекцыі можна вылучыць жаночыя батыльёны на ўстойлівым абцасе. Такія будуць добра глядзецца ў спалучэнні з лёгкімі і карункавымі сукенкамі і паліто-аверсайз. Абыдзецца пара ў 93 даляры.

Марко
фота: сайт брэнда

У мужчынскай секцыі нашу ўвагу прыцягнулі чаравікі з нубуку. Яны не маюць яркага дызайну, затое могуць стаць нядрэннай класічнай базай на восень. Дарэчы, каштуюць такія танней за жаночыя — усяго 73 даляры ЗША.

Лідскі абутак: пары для крэатыўных

Прагулка па краме «Лідскі абутак» падобная да экскурсіі ў мінулае: столькі састарэлых мадэляў можна знайсці хіба што ў касцюмернай «Беларусьфільма». Напрыклад, гэтыя выдатныя туфлі за 11 даляраў нагадваюць пасляваенныя мадэлі — з грубай бавоўны і са слабым супінатарам.

Лідскі абутак
Фота: сайт «Лідскага абутку»

Дызайнеры прадпрыемства паспрабавалі ажывіць і мадэль пачатку 60-х, расфарбаваўшы яе ў змяіны прынт. Каштуюць крэатыўныя туфлі 22 даляры, а знайсці іх можна ў мужчынскім аддзеле.

Лідскі абутак
Фота: сайт «Лідскага абутку»

«Лідскі абутак» знакаміты сваімі кедамі. Такія мадэлі з'яўляюцца несмяротнай класікай, таму на іх не шкада выдаткаваць грошы. Варта адзначыць расфарбоўку кедаў: яны вырабляюцца ў трэндавых колерах і ні ў чым не саступаюць заходнім аналагам. Каштуе спартовая пара ўсяго 21 даляр.

«Прамень», ці Dr. Martens па-беларуску

Мінская марка парадавала разнастайнасцю стыльнага абутку. У жаночым аддзеле мы заўважылі цікавыя туфлі на нізкім ходзе. Эклектычны абутак спалучае брутальнасць і элементы «бэбі-дол», а форма іх наска — трэнд наступнага сезона.

Луч
Фота: сайт «Праменя»

Другая пара — замшавыя лоферы, яны выдатна падыдуць на сухую восень: іх можна спалучаць як з джынсамі і штанамі, так і з сукенкамі.

Луч
Фота: сайт «Праменя»

Аналаг знакамітых чаравікаў Dr. Martens таксама з'явіўся ў «Праменя». Мадэлі выкананыя са скуры і замшы і маюць шырокую каляровую палітру. На жаль, на сайце кампаніі не пазначаны цэны, але, мяркуем, яны будуць не вышэйшыя за цану арыгінала.

Каментары14

  • даведка
    05.09.2023
    У Лидской обувной фабрики помимо копий иностранных кроссовок всё остальное по дизайну просто дичайший ужас, на который страшно смотреть, не то что обуть и носить... У них на странице Вконтакте годами выкладываются жучайшие модели каких-то тапок и ботинок, чего настолько отсталого по дизайну не приходилось видеть даже после развала СССР, а они весь 21-й век только такие и клепают! Ну не можете придумать, разработать и внедрить что-то новое, так возродите хорошо забытое старое из СССР... До сих пор помню их детские кожаные кроссовки с высоким верхом, в которые я влюбился с первого взгляда, хотя были они перевязаны шнурками и навалены в одну большую кучу на нижней полке обувного отдела "Дома торговли". И тут же начал примерять, с первого раза выхватив из кучи нужный размер и розовые по цвету, а когда те стали малы, а в магазине закончились розовые, следующие уже купил с синими вставками. Бегать, гонять в футбол и лазать в них по деревьям было просто в кайф. Никакие импортные тогда не смогли их превзойти. 
  • ЯНКА
    05.09.2023
    🥿 Адпачываў гэтым летам у вёсцы й тамака набыў гэтак званыя кроксы. Ну, па вясковым двары іх насіць яшчэ можна, а ў горадзе... Так і стаяць покуль яны на палічцы, чакаючы свой выхад у сьвет ліхвед зь якой прычыны. :)
  • дочка Максима Дизайнера
    06.09.2023
    ЯНКА, такія? - https://dzen.ru/a/ZFjoKThB_VTB2wu4?utm_referer=www.google.com 
    (ружжовыя на абцассе) 
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Арыштаваны начальнік камітэта аховы здароўя Мінска Ігар Юркевіч4

Арыштаваны начальнік камітэта аховы здароўя Мінска Ігар Юркевіч

Усе навіны →
Усе навіны

Пасол Турцыі ў Беларусі расказаў пра любімыя беларускія стравы ў іх сям'і4

Памёр кампазітар Яўген Дога3

У Мінску амаль перамаглі баршчэўнік Сасноўскага1

Украінцы падарвалі апору Крымскага моста. Але той устаяў15

Па Слуцку паўзуць чуткі пра забойства з расчлянёнкай. Вось што кажуць у міліцыі2

Кава з апельсінамі, мандарыны з кетчупам. Беларуска шакіруе знаёмых гастранамічнымі вычварэнствамі3

Пажыццёвае зняволенне вынеслі жыхару Віцебска за жорсткае забойства сваёй сужыцелькі

Дуда: Расія выдыхаецца, а мы мацнеем. А наконт Украіны ў НАТА я з Наўроцкім пагавару9

«Беларусь, што з інтэрнэтам? Працуе праз раз!»: карыстальнікі А1 скардзяцца на праблемы, кампанія праблему прызнае8

больш чытаных навін
больш лайканых навін

Арыштаваны начальнік камітэта аховы здароўя Мінска Ігар Юркевіч4

Арыштаваны начальнік камітэта аховы здароўя Мінска Ігар Юркевіч

Галоўнае
Усе навіны →

Заўвага:

 

 

 

 

Закрыць Паведаміць