Свет1313

Захад хоча выцягнуць Навальнага ў рамках абмену зняволенымі з Расіяй — The Wall Street Journal

Існуе магчымасць вызвалення Аляксея Навальнага і іншых вядомых расійскіх апазіцыянераў шляхам абмену зняволенымі паміж Захадам і Расіяй. Пра гэта 10 верасня паведаміла выданне The Wall Street Journal са спасылкай на афіцыйных асоб адразу з некалькіх заходніх краін.

Аляксей Навальны. Фота: AP Photo / Alexander Zemlianichenko

Паводле выдання, для гэтага можа быць выкарыстаны наяўны канал, пры дапамозе якога Захад вяртае сваіх грамадзян, арыштаваных у Расіі, у абмен на выдачу Маскве затрыманых у сябе расійскіх шпіёнаў (нагадаем, што менавіта такім чынам летась ЗША абмянялі крамлёўскага гандляра зброяй Віктара Бута на амерыканскую баскетбалістку Брытні Грайнер).

«Такія зняволеныя дысідэнты, як Навальны, могуць быць уключаныя ў спіс абмену асуджанымі паміж Захадам і Расіяй. У гэтым спісе таксама ёсць затрыманыя ў Расіі ветэран амерыканскай марской пяхоты Пол Уілан і рэпарцёр The Wall Street Journal Эван Гершковіч.

У абмен Крэмль вельмі хоча вярнуць свайго тайнага агента і палітычнага забойцу — Вадзіма Красікава, асуджанага ў Германіі на пажыццёвае зняволенне за забойства чачэнскага палявога камандзіра Зелімхана Хангашвілі», — распавядае выданне The Wall Street Journal.

Агент расійскіх спецслужбаў Вадзім Красікаў (злева) у 2019 годзе ў Берліне забіў стрэлам у галаву грамадзяніна Грузіі і былога чачэнскага палявога камандзіра Зелімхана Хангашвілі (справа), якога называлі адным з людзей, набліжаных да Аслана Масхадава і Шаміля Басаева. Фота: Daily Mail

58-гадовы Вадзім Красікаў да арышту быў супрацоўнікам таемнага аддзела ФСБ пад назвай «Вымпел», які спецыялізуецца на палітычных забойствах і падпольных аперацыях за мяжой. Яшчэ ў 2019 годзе чарговай ахвярай Красікава стаў грамадзянін Грузіі і па сумяшчальніцтве былы чачэнскі палявы камандзір Зелімхан Хангашвілі, які быў звязаны з экс-прэзідэнтам Чачні Асланам Масхадавым і вядомым чачэнскім палявым камандзірам Шамілем Басаевым.

Па інфармацыі The Wall Street Journal, менавіта Красікаў з'яўляецца цэнтральнай фігурай магчымага будучага абмену зняволенымі, бо Пуцін нібыта вельмі моцна жадае вярнуць яго назад. Абмен без вызвалення Красікава Крамлём увогуле не разглядаецца.

Нагадаем, што не толькі Захад прапрацоўвае механізм вызвалення расійскіх дысідэнтаў з турмаў. Гэтым пытаннем, нягледзячы на вайну, нядаўна зацікавілася і Украіна. Згодна з новымі планамі вайсковай разведкі Украіны, расійскія палітвязні, якія выступалі супраць вайны, могуць быць уключаны ў спіс на абмен паміж Кіевам і Масквой. 

Чытайце яшчэ:

«Я вельмі моцна ненавіджу тых, хто прадаў гістарычны шанец Расіі». Навальны напісаў рэзкі артыкул у адрас Ельцына, Чубайса, Венядзіктава і Сабчак

Жонка Навальнага расказала, ці гатова пайсці шляхам Святланы Ціханоўскай 

«Навальны» стаў найлепшым дакументальным фільмам, «Усё ўсюды і адразу» атрымаў сем «Оскараў», у тым ліку за найлепшы фільм

Каментары13

  • Неверагодна злы
    10.09.2023
    Ідыёты, ды ён апошні пра каго варта клапаціцца, хай бы пра анкхворых закладнікаў лукашэнкі паклапаціўся!
  • Skarbnik
    10.09.2023
    А можа лепш вызваліць лаўрэата Нобэля Алеся Бяляцкага?
  • Беларус
    10.09.2023
    Skarbnik, А на каго яго мяняць? У Захаду ж няма ў руках людзей, важных для Лукашэнкі. Калі для Лукашэнкі такія людзі ёсць у прынцыпе.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Усе навіны →
Усе навіны

Гісторыка, які працаваў у ваенкамаце ў Мастах, асудзілі па цэлым пакеце палітычных артыкулаў3

Беларускі самалёт абстраляла расійская СПА, прыняўшы за ўкраінскі дрон? Не, гэта няпраўда2

Ратавальнікі расказалі пра наступствы моцнага ветру на Гомельшчыне

«Не хацелі пакутаваць з беларускімі картамі на Booking». А ў выніку ледзь не трапілі на 400 еўра4

Трамп заявіў, што выступіць з важнай заявай наконт Расіі4

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

больш чытаных навін
больш лайканых навін

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Галоўнае
Усе навіны →

Заўвага:

 

 

 

 

Закрыць Паведаміць