Ва ўзросце 79 гадоў памёр шатландскі генетык Іэн Уілмут, паведамляе The Herald. Менавіта ён кіраваў групай даследчыкаў, якая ў 1996 годзе кланавала авечку Долі.
Фота: Mathieu Polak/Sygma/Sygma via Getty Images
Прычына смерці вучонага не называецца, але вядома, што ў апошнія гады жыцця ў Уілмута была дыягнаставаная хвароба Паркінсана.
Эксперымент з авечкай Долі быў першым, які дасягнуў поспеху ў справе стварэння клона сысуна з ядра саматычнай клеткі. Яго правялі ў Рослінскім універсітэце ў Шатландыі. Кланаваная авечка пражыла шэсць гадоў, а пасля яе ўсыпілі з-за выяўленых захворванняў.
Іэн Уілмут за сваю працу ў 2008 годзе атрымаў гонар рыцара. Да 2012 года ён працаваў ва ўніверсітэце Эдынбурга, а потым пайшоў на пенсію.
Каментары