Грамадства11

Міністр, асуджаны за хабар на 7,5 года, верагодна, выйшаў праз паўтара — Белсат

Тэлеканал «Белсат» паведамляе, што экс-міністр лясной гаспадаркі Віталь Дрожжа, верагодна, выйшаў на волю, адсядзеўшы толькі пятую частку прысуджанага яму вялікага тэрміну. Непасрэдных пацвярджэнняў гэтаму няма, але ёсць ускосныя.

Віталь Дрожжа

Як расказала крыніца «Белсата», у калонію, дзе адбываў пакаранне Віталь Дрожжа, нядаўна прыязджала камісія для памілавання, пасля чаго экс-міністра адпусцілі на спатканне, з якога ён не вяртаецца ў няволю ўжо прынамсі пяць дзён.

Іншая крыніца «Белсата» кажа, што такім жа чынам нядаўна выйшаў на волю іншы чыноўнік: пайшоў «на трохдзённае спатканне» і за краты ўжо не вярнуўся.

Пад выглядам жонкі былога сукамерніка журналістка «Белсата» патэлефанавала сыну Віталя Дрожжы. Той не пацвердзіў і не абвергнуў факту вызвалення, а сказаў толькі, што бацька «не можа зараз» сустрэцца. Але калі журналістка дадала, што сустрэча з Дрожжам магла б адбыцца цягам некалькіх дзён і што яна гатовая пад’ехаць у запрапанаванае месца, сын экс-міністра папрасіў нумар тэлефона і паабяцаў ператэлефанаваць, як толькі высветліць, ці гэта будзе магчыма. На пытанне аб тым, як наогул у бацькі справы, адказаў, што «нібыта больш-менш».

Віталь Дрожжа стаў міністрам лясной гаспадаркі ў красавіку 2018 года. Пра ягонае затрыманне стала вядома ў красавіку 2022 года. У студзені 2023-га яму прысудзілі 7,5 года калоніі ўзмоцненага рэжыму за атрыманне хабару ў асабліва буйным памеры, але скарацілі тэрмін на год паводле амністыі. З запісаў размоваў міністра стала вядома, што ў Беларусі сістэматычна высякалі больш лесу, чым было дазволена.

У адрозненне ад палітвязняў, чыноўнікаў-хабарнікаў у лукашэнкаўскай Беларусі нярэдка выпускаюць значна раней за прызначаны ім судамі тэрмін зняволення. Так, як раней стала вядома, нядаўна выйшаў на волю былы дырэктар Гарадзейскага цукровага камбіната, які ў 2021-м быў асуджаны на 13 гадоў калоніі за хабарніцтва ў асабліва буйным памеры. Цяпер ён нібыта кіруе адным з беларускіх калгасаў. І гэты выпадак далёка не адзіны.

 

Каментары1

  • даведка
    15.09.2023
    Лукашенко милостиво помиловал, позволив министру-взяточнику провести избирательную кампанию в парламент?

Цяпер чытаюць

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза6

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Усе навіны →
Усе навіны

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда10

Крамы і пастаўшчыкоў будуць штрафаваць за адсутнасць гародніны1

У Беларусі зацвердзілі сакрэтныя будаўнічыя нормы12

Спявачку Мэрыем Герасіменка на працягу двух гадоў збіваў муж54

«Дарагія расейскамоўныя беларусы! Вы пакідаеце незамкнёнымі дзверы хаты, за якімі ўжо стаіць кодла бандытаў»222

У Фінляндыі затрымалі былога вагнераўца, які прасіў прытулку. Ён ваяваў у Бахмуце2

больш чытаных навін
больш лайканых навін

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза6

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Галоўнае
Усе навіны →

Заўвага:

 

 

 

 

Закрыць Паведаміць