Святлана Ціханоўская ў ЗША возьме ўдзел ва ўручэнні прэміі Зяленскаму
16 верасня дэмакратычная лідарка Беларусі здзейсніць візіт у Злучаныя Штаты Амерыкі. Сярод іншага яна возьме ўдзел у цырымоніі ўручэння прэміі Global Citizen Awards Уладзіміру Зяленскаму.
Пра гэта «Позірку» паведаміў галоўны дарадца палітыка Франак Вячорка.
Асноўнай мэтай візіту ў ЗША стане ўдзел у мерапрыемствах Генеральнай Асамблеі ААН.
Паводле слоў Вячоркі, у Нью-Ёрку ў Ціханоўскай запланаваны сустрэчы з палітычнымі лідарамі і міністрамі замежных спраў шэрага дзяржаў. Таксама яна возьме ўдзел у арганізаванай дэлегацыяй ЕС пры ААН дыскусіі на тэму незалежнасці і суверэнітэту Беларусі.
У ЗША Ціханоўская правядзе перамовы з намеснікам дзяржсакратара ЗША ў пытаннях грамадзянскай бяспекі, дэмакратыі і правоў чалавека Узрай Зеяй, памочнікам дзяржсакратара ў пытаннях Еўропы і Еўразіі Юры Кім, намеснікам адміністратара Агенцтва ЗША па міжнародным развіцці (USAID) Ізабэль Коўлман.
Плануюцца таксама сустрэчы з прэзідэнтам Гватэмалы Алехандра Джаматэі і міністрам замежных спраў Фінляндыі Элінай Валтанен.
Вячорка патлумачыў, у чым важнасць візіту Ціханоўскай у Еўрапарламент і на Генасамблею ААН
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме26
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары