Жанчына ледзь не страціла ўсе грошы, але пільная супрацоўніца банка спыніла махлярскую схему.
У Кастрычніцкае РУУС Гродна звярнулася жанчына, якая распавяла, што днямі ёй патэлефанавалі супрацоўнікі банка. Яны пацікавіліся, якая сума грошай знаходзіцца ў яе на руках.
Пасля адказу «1000 рублёў» «супрацоўнікі банка» сталі пераконваць жанчыну, што яна парушае закон. Нібыта на руках можна трымаць не больш за 500 рублёў, паведамляе прэс-служба МУС.
Жанчына адправілася ў банк, каб перавесці грошы на пазначаны рахунак. Аднак рэальная супрацоўніца банка пераканала, што жанчыне тэлефанавалі ашуканцы і ніякія грошы пераводзіць не трэба.
Міліцыя просіць людзей быць пільнымі, зазначае, што зламыснікі не стаяць на месцы, а кожны дзень прыдумляюць усё новыя спосабы падману.
Таксама ў міліцыі нагадваюць, што рэальныя супрацоўнікі банка ніколі не будуць дазнавацца інфармацыю аб плацежных картах, а тым больш патрабаваць перавесці грошы на якія-небудзь рахункі.
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў6
Каментары