Украіна размяшчае на мяжы з Беларуссю мабільныя групы супрацьпаветранай абароны
Гэтыя падраздзяленні будуць выкарыстоўваць узоры заходняй тэхнікі.
У Паўночнай аперацыйнай зоне працягваецца фармаванне і падрыхтоўка новых мабільных агнявых груп супрацьпаветранай абароны. Гэта становіцца магчымым дзякуючы новым сучасным узорам узбраення замежнай вытворчасці, якія паступаюць з краін-партнёраў, паведаміў камандуючы аб'яднанымі сіламі УСУ Сяргей Наеў.
«Мабільныя агнявыя групы граюць важную ролю ў абароне паветранай прасторы Украіны. Днём і ноччу ў рэжыме 24/7 гэтыя экіпажы адпраўляюцца на заданне па знішчэнні паветраных цэляў ворага. Зенітныя кулямётныя ўстаноўкі — гэта адэкватны адказ ворагу на яго стратэгію па знясіленні нашай сістэмы супрацьпаветранай абароны», — дадаў ён.
На яго думку, захопнікі разлічваюць на тое, што па іх БПЛА будзе выдаткаваны запас дарагіх зенітных ракет. Аднак зенітная кулямётная ўстаноўка дазваляе вырашыць баявую задачу з выкарыстаннем адносна недарагога боекамплекта.
«Кожная збітая і знішчаная імі цэль — гэта выратаваныя жыцці, цэлыя аб'екты крытычнай інфраструктуры, цывільныя збудаванні і жылыя дамы», — рэзюмаваў украінскі военачальнік.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады5
Каментары