На пяць гадоў працягнулі санацыю гомельскага прадпрыемства, якое належыць Шакуціну
Урад дазволіў працягнуць тэрмін санацыі прадпрыемства «Салеа-Гомель» да 15 кастрычніка 2028 года. Пра гэта сведчыць пастанова, апублікаваная на Нацыянальным прававым інтэрнэт-партале.
«Салеа-Гомель» знаходзіцца ў санацыі з красавіка 2021 года. Ахоўны перыяд на прадпрыемстве павінен быў завяршыцца ў кастрычніку гэтага года.
«Салеа-Гомель» — гэта былы гомельскі завод «Гідрапрывад». Прадпрыемства выпускае кантрольна-рэгуляцыйную гідраапаратуру для трактароў і мабільнай тэхнікі, убудавальныя і модульныя агрэгаты для прамысловасці і сельскай гаспадаркі, гідрастатычныя трансмісіі для МТЗ, «Гомсельмаша», «Амкадора». Аналагаў гэтай прадукцыі ў Беларусі няма.
Раней тэрміны санацыі працягнулі для кіроўнай кампаніі холдынга «Салеа» — да 19 кастрычніка 2028-га.
Галоўны офіс «Салеа» знаходзіцца ў Дзяржынску. Раней там быў завод капітальнага рамонту дызельных рухавікоў — яго ў 2011 годзе выкупіў саўладальнік холдынга «Амкадор», набліжаны да Лукашэнкі бізнэсмен Аляксандр Шакуцін. У 2013 годзе ён зарэгістраваў ТАА «Салеа».
У сакавіку 2014 года на прадпрыемстве пабываў Аляксандр Лукашэнка. Па выніках візіту было прынята рашэнне аб стварэнні гідраўлічнага холдынга «Салеа». У красавіку 2014 года ТАА «Салеа» перайменавана ў ТАА «Салеа» — кіроўная кампанія холдынга».
Галыгіна прымусілі апраўдвацца за зварот да сілавікоў у 2020-м17
Каментары