Мінімальны заробак у краіне атрымлівае 11,4% работнікаў з дзяржсектара і 17,7% работнікаў з прыватнага сектара.
З 1 студзеня мінімальны заробак у Латвіі павысіцца з 620 да 700 еўра. Гэта прадугледжвае прынятая ўрадам 14 лістапада папраўка, піша Delfi.lv.
Па даных Цэнтральнага статыстычнага ўпраўлення, у 2022 годзе мінімальны заробак атрымлівалі ў прыватным сектары 94 190 работнікаў, або 17,7%, а ў дзяржаўным сектары — 26 032 работніка, або 11,4%.
У другім квартале 2023 года ў Латвіі працавала 887 600 чалавек, або 64,4% насельніцтва ва ўзросце ад 15 да 74 гадоў.
У Беларусі мінімальны заробак у 2023 годзе складае 554 рублі (калі лічыць па сённяшнім курсе, то гэта 163 еўра). З 1 студзеня 2024 года ён будзе роўны 626 рублям (па сённяшнім курсе гэта 181 еўра).
Каментары