У рамках праведзеных планавых работ выканана перагрузка ў рэактар ядзернага паліва — у актыўную зону загружана 42 цеплавыдзяляльныя зборкі са свежым ядзерным палівам, паведамляе Мінэнерга.
Праведзена рэвізія абсталявання рэактарнай устаноўкі, турбагенератара, галоўных цыркуляцыйных помпаў, іншага абсталявання і тэхналагічных сістэм, выкананы кантроль металу і дыягностыка зварных злучэнняў абсталявання.
Планава-папераджальны рамонт праводзіцца на атамных станцыях штогод — з мэтай падтрымання стабільнага працоўнага стану абсталявання.
Першы энергаблок БелАЭС быў уведзены ў прамысловую эксплуатацыю 10 чэрвеня 2021 года.
З моманту яго ўключэння ў аб'яднаную энергасістэму (3 лістапада 2020 года) блокам выпрацавана 18,5 млрд. кВт гадзін электраэнергіі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню50
Каментары