У кабінеце галоўнакамандуючага Узброеных сіл Украіны Валерыя Залужнага 17 снежня знайшлі «праслухоўку», паведаміла «РБК-Украіна» на падставе сведчання крыніцы, дасведчанай адносна сітуацыі ва ўкраінскіх вайсковых колах.
Паводле слоў крыніцы, выяўленыя ў кабінеце Залужнага прылады для счытвання інфармацыі вырабленыя з элементаў неўстаноўленага ўзору, што не дазваляе ідэнтыфікаваць таго, хто іх усталяваў.
«Гэтыя прылады былі выяўленыя сёння пры падрыхтоўцы памяшкання да працы», — дадаў суразмоўца.
Днямі нямецкае выданне Welt паведамляла, што Залужны плануе контрнаступленне ў 2024 годзе. А цяпер, паводле звестак выдання, украінскія войскі назапашваюць для гэтага патрэбныя сілы.
Таксама ў лістападзе Залужны напісаў артыкул і даў інтэрв'ю заходнім выданням, дзе расказаў пра свае памылкі, рызыкі пазіцыйнай акопнай вайны і пра тое, што неабходна для перамогі над Расіяй. Пасля гэтага ў інфармацыйнай прасторы пачалі распаўсюджвацца чуткі пра нібыта рознагалоссі паміж Залужным і прэзідэнтам Украіны Уладзімірам Зяленскім.
Цяпер чытаюць
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць19
Каментары