Лукашэнка зноў хрыпіць, на сённяшняй нарадзе ён выглядаў хваравіта
Інфармацыю пра здароўе Аляксандра Лукашэнкі яго прэс-служба дае вельмі рэдка.
На нарадзе па меліярацыі і працы Беларускай нацыянальнай біятэхналагічнай карпарацыі, якая праходзіла 19 снежня і на якой зноў дасталася Галоўчанку, голас Аляксандра Лукашэнкі быў моцна ахрыплым. Выглядала, што слязіліся вочы.
Нагадаем, калі ў маі 2023 года палітык захварэў, ён знік на пяць дзён. На 9 Мая ён быў на парадзе ў Маскве, дзе заўважылі бінт на яго руцэ. Лукашэнка не змог прайсці з іншымі кіраўнікамі дзяржаў некалькі соцень метраў ад трыбуны да Аляксандраўскага сада, яго везлі асобна электрамабілем. Пасля гэтага ўвечары ён першы раз за час свайго кіравання не змог прачытаць прамову на ўскладанні кветак на плошчы Перамогі, за яго гэта зрабіў міністр абароны Віктар Хрэнін.
Толькі 15 мая Лукашэнку паказалі народу — ён наведваў камандны пункт ВПС і войскаў СПА. На моцна рэтушаваным фота БелТА ён выглядаў васковай фігурай.
Пазней палітык сказаў, што ў яго быў адэнавірус. І дадаў, што паміраць не збіраецца і «мучыцца вы са мной будзеце доўга».
А 23 лістапада, сустракаючы Пуціна на саміце АДКБ у Мінску, Лукашэнка дзіўна дрыжаў. Раней такое дрыжанне ў аб'ектыў не трапляла.
Такі трэмар можа быць як прыкметай старэння, так і сімптомам хваробаў або эмацыйнага напружання.
Цяпер чытаюць
Два сакрэты, дзякуючы якім адбылася кар'ера новага прэс-сакратара МЗС Руслана Варанкова11
Каментары