Новы прэзідэнт Аргенціны абвясціў план лібералізацыі эканомікі. У краіне пачаліся пратэсты
Прэзідэнт Аргенціны Хаўер Мілей падпісаў указ аб дэрэгуляванні эканомікі. У ім — шырокая прыватызацыя, стымуляванне экспарту, адмена кантролю цэн у рытэйле і на рынку арэнды жылля, адмена абмежаванняў на куплю зямлі замежнікамі. Апазіцыя пачала пратэсты.
Прэзідэнт Хаўер Мілей абвясціў пра шырокія рэформы, накіраваныя на аслабленне ўплыву дзяржавы на эканоміку Аргенціны, уключаючы крокі па прыватызацыі дзяржаўных кампаній, палягчэнні экспарту і спыненні кантролю над цэнамі.
Лідар лібертарыянцаў у сваім звароце ў сераду ўвечары пералічыў 30 першых пунктаў свайго плана, дадаўшы, што яны зʼяўляюцца часткай больш шырокага пакета, які змяшчае больш за 300 мер.
«Я падпісваю тэрміновы ўказ, які дасць пачатак працэсу дэрэгуляцыі эканомікі, у якім так мае патрэбу Аргенціна», — сказаў ён у прамове.
Мілей сказаў, што накіруе заканадаўцам набор дадатковых прапаноў. Несумненна, ён сутыкнецца з апазіцыяй у кангрэсе, дзе ў яго няма большасці.
Некаторыя меры, хутчэй за ўсё, будуць абскарджаныя ў судах, а апазіцыя ўжо пачала ладзіць дэманстрацыі супраць яго палітыкі. Першы буйны пратэст супраць Мілея адбыўся ў сераду, і быў стрыманы сіламі паліцыі.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары