Novy prezident Arhienciny abviaściŭ płan libieralizacyi ekanomiki. U krainie pačalisia pratesty
Prezident Arhienciny Chaŭjer Milej padpisaŭ ukaz ab derehulavańni ekanomiki. U im — šyrokaja pryvatyzacyja, stymulavańnie ekspartu, admiena kantrolu cen u rytejle i na rynku arendy žylla, admiena abmiežavańniaŭ na kuplu ziamli zamiežnikami. Apazicyja pačała pratesty.
Prezident Chaŭjer Milej abviaściŭ pra šyrokija reformy, nakiravanyja na asłableńnie ŭpłyvu dziaržavy na ekanomiku Arhienciny, uklučajučy kroki pa pryvatyzacyi dziaržaŭnych kampanij, palahčeńni ekspartu i spynieńni kantrolu nad cenami.
Lidar libiertaryjancaŭ u svaim zvarocie ŭ sieradu ŭviečary pieraličyŭ 30 pieršych punktaŭ svajho płana, dadaŭšy, što jany zjaŭlajucca častkaj bolš šyrokaha pakieta, jaki źmiaščaje bolš za 300 mier.
«Ja padpisvaju terminovy ŭkaz, jaki daść pačatak pracesu derehulacyi ekanomiki, u jakim tak maje patrebu Arhiencina», — skazaŭ jon u pramovie.
Milej skazaŭ, što nakiruje zakanadaŭcam nabor dadatkovych prapanoŭ. Niesumnienna, jon sutykniecca z apazicyjaj u kanhresie, dzie ŭ jaho niama bolšaści.
Niekatoryja miery, chutčej za ŭsio, buduć abskardžanyja ŭ sudach, a apazicyja ŭžo pačała ładzić demanstracyi suprać jaho palityki. Pieršy bujny pratest suprać Mileja adbyŭsia ŭ sieradu, i byŭ strymany siłami palicyi.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»3
Kamientary