Ціханоўская зарэгістравала фонд на імя асуджанага філосафа Уладзіміра Мацкевіча? Канечне, фэйк
У праўладных тэлеграм-каналах з'явілася інфармацыя аб тым, што Абʼяднаны пераходны кабінет зарэгістраваў нейкі фонд на імя Мацкевіча. Аднак лукашэнкаўскія прапагандысты не звярнулі ўвагі (ці не захацелі) на імя.
Лукашэнкаўскія прапагандысты хваляцца тым, што раскрылі «чарговую афёру» Абʼяднанага пераходнага кабінета. У красавіку 2023 года Кабінет зарэгістраваў аднайменны фонд. Як вынікае з базы даных, скрын якога прыводзяць прапагандысты, старшынёй праўлення фонду зʼяўляецца Валер Мацкевіч — кіраўнік апарату Абʼяднанага пераходнага кабінета.
Як мы раней пісалі, Валерыю 40 гадоў. Ён з Бабруйска, дзе яшчэ ў канцы 1990-х стварыў філію «Маладога фронту». У 2012 годзе адышоў ад палітыкі і заняўся прадпрымальніцтвам. У 2020-м далучыўся да выбарчага штабу Валерыя Цапкалы. А ўвосень таго ж года з'ехаў з Беларусі.
Але прапагандысты не сталі высвятляць, пра якога Мацкевіча ідзе гаворка. Замест гэтага яны заявілі:
«Ціханоўская зарэгала чарговы фонд на Валерыя Мацкевіча. Так, таго самага «філёзяфа», які сядзіць на нарах з 2021 года за беспарадкі і кіраўніцтва экстрэмісцкім фармаваннем».
Сапраўды, філосаф і грамадска-палітычны дзеяч Мацкевіч у жніўні 2021 года быў арыштаваны КДБ, а ў чэрвені 2022 года асуджаны да пяці гадоў калоніі ўзмоцненага рэжыму. Але яго імя Уладзімір. Зразумела, што Уладзімір Мацкевіч не мае ніякага дачынення да заснаванага фонду.
Чытайце яшчэ:
Фэйкамёт Прыдыбайла страляе халастымі — рэпосціць «голую вечарынку ў штабе БНФ»
Фэйкавыя акаўнты ад імя Офіса Ціханоўскай збіраюць даныя беларусаў нібыта для новых пашпартоў
Цяпер чытаюць
Як у Беларусі вышукваюць «дармаедаў» і што ад іх хочуць3
Каментары