Ікона з выявай Сталіна зʼявілася ў галоўным саборы Тбілісі Самеба. Відэа з храма апублікаваў гісторык Гіоргі Кандэлакі.
«Вернай дарогай ідзем, таварышы, яшчэ адзін поспех расейскай прапаганды ў інфармацыйнай вайне. Ініцыятара знішчэння незалежнасці Грузіі, забойцу тысяч святароў і стваральніка савецкай таталітарнай сістэмы размясцілі на іконе ў Самеба», — напісаў ён.
Пра тое, як даўно выява зʼявілася ў Самеба і па чыёй ініцыятыве, невядома. Кіраўнік службы па сувязях з грамадскасцю Патрыярхіі Грузіі протаіерэй Андрыя Джагмаідзэ на гэтыя пытанні выданню NEWSGEORGIA не адказаў.
«Ужо не першы раз свята хочуць азмрочыць скандалам, каб у сэрцах людзей замест радасці пасеяць нянавісць», — сказаў Джагмаідзэ.
З нагоды выявы Сталіна прадстаўнік патрыярхіі сказаў, што ў гэтым няма нічога асаблівага. Ён адзначыў, што гэта абраз блажэннай Матроны, а не Сталіна. Акрамя гэтага, ёсць прэцэдэнты, калі на абразы трапляюць «вялікія ганіцелі царквы», напрыклад, Дыяклетыян, але гэта не значыць іх услаўленне.
У Расіі абмеркаванні дарэчнасці іконы з выявай Сталіна пачаліся з 2008 года. Тады падобны абраз пад назвай «Блажэнная Матрона дабраслаўляе Іосіфа Сталіна» зʼявіўся ў храме Святой княгіні Вольгі ў Санкт-Пецярбургу. На фоне крытыкі ігумен Яўстафій (Жакаў) забраў абраз да сябе дадому. Пасля гэтага ў розныя гады падобны сюжэт перыядычна зʼяўляўся ў розных расійскіх храмах і кожны раз гэта суправаджалася бурнымі спрэчкамі.
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»3
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары