Гісторыяй пра няўдалую спробу правезці ў Беларусь іспанскі дэлікатэс — сыравялены свіны кумпяк, зроблены паводле традыцыйных рэцэптаў — у сябе ў тыктоку падзяліўся беларус Алег. На відэа ён паказвае хамон, а потым ідзе выкідаць мяса, піша «Анлайнер».
Закадравы голас у відэа гаворыць: «Прымусілі на мяжы выкінуць ножку хамона — нельга ўвозіць у Рэспубліку Беларусь. Не ўвозьце ніколі хамона».
Кароткі ролік, апублікаваны некалькі дзён таму, сабраў каля 500 тысяч праглядаў. Некаторыя юзеры дзівіліся і пісалі, што хамон у Беларусь нібыта ўвозілі, іншыя пераконвалі: увоз мяса дазволены, але пры адной умове — вага прадукту не павінна перавышаць 5 кг, а трэція проста спачувалі і дзяліліся сваімі стратамі.
«Муж таксама выкідаў, крыўдна, а так хацелася»;
«Я таксама ў снежні дзве штукі выкінуў на мяжы»;
«Я ікры чырвонай выкінула шмат слоікаў, нельга было ў самалёт браць. І манікюрныя нажніцы дарагія і добрыя»;
«Гадоў з шэсць таму на «Катлоўцы» архідэю сказалі выкінуць»;
«А ў мяне забралі мёд», — пішуць карыстальнікі.
Раней у дэпартаменце ветэрынарнага і харчовага нагляду Мінсельгасхарча журналістам тлумачылі: увоз свініны і іншай харчовай свінагадоўчай сыравіны, а таксама прадуктаў іх перапрацоўкі забаронены з тэрыторыі краін — суседак Беларусі — Літвы, Латвіі, Украіны і Польшчы.
Цяпер чытаюць
Чамаданава расказала, што катэгарычна нельга абмяркоўваць на кухнях18
Чамаданава расказала, што катэгарычна нельга абмяркоўваць на кухнях
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары