У Мінабароны Літвы пракаментавалі інфармацыю Bild аб будучай вайне Расіі і НАТА
Паводле звестак ваеннага ведамства Літвы, пакуль ва Украіне працягваюцца інтэнсіўныя баі, у Расіі няма рэсурсаў на адкрыццё другога фронту.
Нямецкае выданне Bild у канцы снежня 2023 года спрагназавала, што ўзброеныя сілы Нямеччыны рыхтуюцца да расійскіх правакацый на ўсходнім флангу НАТА, на гэта адрэагавала Мінабароны Літвы, піша Delfi.lt.
Паводле звестак міністэрства, пакуль ва Украіне працягваюцца інтэнсіўныя баі, у Расіі няма рэсурсаў на адкрыццё другога фронту.
«Пакуль не завяршыліся баі ва Украіне, цяжка меркаваць, што Расія пераразмеркуе прыярытэты і пачне гуртаваць сілы ў іншых кірунках», — сказана ў каментары Мінабароны. Аднак, са слоў міністэрства, Расія плануе доўгатэрміновае павелічэнне сіл у заходнім кірунку.
«Для гэтага распрацаваныя планы пашырэння інфраструктуры і вайсковых частак, праводзяць інфраструктурныя змены, дзеляць сферы камандавання», — адзначае Мінабароны.
Паводле звестак Міністэрства, прадстаўленая ведамствам ацэнка пагроз нейкіх істотных змен не зведала.
«Расія захоўвае значныя магутнасці і пастаянна іх папаўняе на лініі фронту ва Украіне. Прыярытэт Расіі на гэты момант — не прайграць у вайне з Украінай, яна накіроўвае на гэта пэўныя рэсурсы», — заявілі ў Міністэрстве.
Нагадаем, што Bild паведаміў, быццам Міністэрства абароны Нямеччыны разглядае магчымы сцэнар, пры якім Расія атакуе ўсходні фланг НАТА ў 2025 годзе. Падзеі, апісаныя ў сцэнары, пачынаюцца ў лютым 2024 года.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары