«У век татальнага кантролю гэта лёгка выяўляецца». Збіраюцца ўвесці адказнасць за непаведамленне пра другое грамадзянства ці замежны ДНЖ
У Беларусі за непаведамленне ўладам пра другое грамадзянства плануюць неўзабаве ўвесці адміністрацыйную адказнасць, заявіў у эфіры тэлеканала АНТ начальнік Дэпартамента грамадзянства і міграцыі Міністэрства ўнутраных спраў Аляксей Бягун.
«Так, цяпер гэта, вядома, не з'яўляецца правапарушэннем. Але заканадаўца таксама пра гэта задумаўся. І кампетэнтныя органы таксама пра гэта думаюць. Таму мы прапрацоўваем сумесна з зацікаўленымі бакамі гэтае пытанне, каб усё ж такі ўнесці адказнасць.
Таму што абавязак інфармавання ёсць, частка законапаслухмяных грамадзян выканала гэты абавязак, а хтосьці думае застацца ўбаку ці не паведаміць пра гэта. У кожным выпадку, век сучасных тэхналогій, век татальнага кантролю ў пэўных пунктах за асобай — гэта даволі лёгка выяўляецца», — заявіў Аляксей Бягун.
Пасля гэтага ён перайшоў да пагрозаў:
«Калі яны думаюць, што пазбегнуць неабходнасці апавяшчаць нашы кампетэнтныя органы пра наяўнасць замежнага грамадзянства, то яны вельмі глыбока памыляюцца.
Калі будзе адпаведная адказнасць — грамадзяне будуць прыцягвацца да адміністрацыйнай адказнасці. У Расійскай Федэрацыі наогул існуе крымінальная адказнасць за паўторнае неінфармаванне.
Пакуль кампетэнтныя органы распрацоўваюць адпаведныя нормы, каб знайсці баланс паміж цяжарам правіны і адказнасцю: свядома ён гэта зрабіў ці па непамятлівасці, ці таму, што доўгі час не знаходзіўся на тэрыторыі краіны.
У гэтым годзе ініцыюем адпаведны дакумент, каб ён быў у наступным прыняты. Ёсць абавязак — павінна быць і адказнасць за невыкананне», — заявіў Бягун.
Паводле яго слоў, 70 тысяч беларусаў ужо паведамілі ўладам пра наяўнасць у іх замежных дакументаў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі17
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары