Там ахвотна сустрэнуць «самага блізкага сябра карэйскага народа».
Пуцін падчас сустрэчы з міністрам замежных спраў КНДР Цой Сон Хі выказаў глыбокую падзяку за тое, што кіраўнік КНДР Кім Чэн Ын запрасіў яго здзейсніць візіт у Пхеньян і выказаў гатоўнасць наведаць КНДР найбліжэйшым часам. Пра гэта паведамляе Цэнтральнае тэлеграфнае агенцтва Карэі.
«Урад КНДР цёпла павітае візіт прэзідэнта Пуціна ў нашу краіну і гатовы з усёй шчырасцю сустрэць самага блізкага сябра карэйскага народа», — гаворыцца ў паведамленні агенцтва.
У студзені прэс-сакратар Пуціна Дзмітрый Пяскоў казаў, што візіт у Паўночную Карэю можа адбыцца ў агляднай будучыні.
Апошні раз Пуцін быў у Паўночнай Карэі ў 2000 годзе. Тады ён сустракаўся з Кім Чэн Ірам — бацькам цяперашняга лідара КНДР.
Сам Кім Чэн Ын наведваў Расію ў мінулым верасні.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары