Грамадства99

На віленскіх могілках Росы ўшанавалі Каліноўскага і паўстанцаў. Паднялі і беларускі сцяг ФОТЫ

21 студзеня ў Вільні ўшанавалі памяць паўстання 1863-1864 гадоў пад кіраўніцтвам Кастуся Каліноўскага. 

У абед адбылася святая Імша ў Кафедральным саборы. А пасля — цырымонія на могілках Росы.

Прысутнічалі прэзідэнты Літвы і Польшчы Гітанас Наўседа і Анджэй Дуда, пасол Украіны ў Літве Пятро Бешта. Запрошана была і Святлана Ціханоўская. Побач з літоўскім, польскім і ўкраінскім сцягамі стаяў і нацыянальны беларускі.

«Нашы продкі адмовіліся жыць пад прыгнётам акупантаў. Яны выбралі годнасць замест пакоры. Свабоду замест рабства. Цывілізаваную Еўропу замест варварскай імперыі.

І хоць паўстанне не скончылася перамогай, яно засведчыла палітычнае нараджэнне беларускай нацыі. 

А Кастусь Каліноўскі, які кіраваў паўстаннем на нашых землях, стаў сімвалам нашай супольнай барацьбы за свабоду. 

Cёння чатыры народы — Польшчы, Літвы, Беларусі і Украіны — яднаюць месцы яго нараджэння, ягонага змагання і пакутніцкай смерці. Яднае памяць пра яго ў імені палка, які бароніць сёння Украіну», — выступіла Ціханоўская. 

Яна заўважыла, што цяпер народы супрацьстаяць той самай імперыі.

«Тагачаснай Расійскай імперыі карцела не толькі знішчыць права нашых народаў на самастойнае жыццё, але і самую іхную ідэнтычнасць — мову, культуру, гістарычную памяць і еўрапейскія каштоўнасці. «У нас адно вучаць у школах, каб цябе зусім перарабіці на маскаля», — выкрываў палітыку «рускага свету» Каліноўскі. 

Гэтаксама і цяпер Расія спрабуе сцерці ўкраінскую і беларускую самасвядомасць, каб палегчыць і апраўдаць далейшую агрэсію. А прарасійскі рэжым у Беларусі выкараняе беларускую мову і закрывае школы польскай і літоўскай меншасцяў», — прамаўляла Святлана Ціханоўская.

Яна згадала, як нядаўна ў Лідзе знік герб паўстання Каліноўскага з магілы святара-паўстанца Адама Фалькоўскага. 

«Тыраны могуць знішчыць помнікі, перапісаць падручнікі, закатаваць людзей у турмах, але ім ніколі не ўдасца знішчыць гераічны паўстанцкі дух», — дадала яна.

Ушанаваць памяць паўстанцаў прыйшлі і беларускія актывісты, былыя палітвязні, ваяры.

Атмасфера цырымоніі — у фотарэпартажы «Нашай Нівы».

Былы каліновец Аляксандр «Кусь» Клачко трымае плакат з беларускімі ваярамі — загінулымі і ўзятымі ў палон.
Прэзідэнт Польшчы Анджэй Дуда, прэзідэнт Літвы Гітанас Науседа з жонкай, дэмакратычная лідарка Беларусі Святлана Ціханоўская.

Каментары9

  • ІнстаОфіс
    21.01.2024
    Гледзячы па фотках, Прэзыдэнту-электу пачалі паказваць ужо на сканчэнне тэрміну дзейнасці: на афіцыйным фота лідараў другі шэраг замест мэблі. Такія вось вынікі няспынных гадоў працы!
  • Харэ атработалi лавэ
    21.01.2024
    Гэта не беларускi сцяг ( сорры - сЬцяг). Гэта wishful thinking. Каб казаць, што ен беларускi, трэба ведаць думку большасьцi (сорры - большасьцЬи) беларусау, што цяперака не выдаецца магчымым. Таму завязвайце, афэлкi
  • За Свабоду!
    21.01.2024
    За нашу і вашу свабоду!

    P.S. Боты-ПНХ

Цяпер чытаюць

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу10

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу

Усе навіны →
Усе навіны

Беларус ідзе пешшу на футбол з Варшавы ў Чарнагорыю

Ізраіль атакаваў іранскі цяжкаводны рэактар у Араку. Што гэта за аб'ект?1

Пасол Славакіі салідарызаваўся з Лукашэнкам і выступіў супраць падтрымкі Украіны13

Культурны менеджар з Віцебска Уладзімір Булаўскі выехаў з Беларусі, адбыўшы два гады ў калоніі4

Наталля Пяткевіч вырашыла быць больш сціплай у адзенні. Яна прыйшла да Лукашэнкі ў пінжаку ўсяго за 300 даляраў29

У Стаўбцоўскім раёне 6-гадовы хлопчык уцёк ад бацькоў на аўтатрасу1

Пуцін усё больш працуе па начах. Прэс-канферэнцыю для замежных журналістаў пачалі ў 23:30 — і гэта ўжо норма13

Будзе Пуцін, Пашынян адмовіўся, а прэзідэнта Ірана ўсё яшчэ чакаюць. Хто з сусветных лідараў прыедзе ў Мінск на наступным тыдні на ЕАЭС3

Адбылася найбуйнейшая ў гісторыі ўцечка пароляў: скампраметаваныя 16 мільярдаў лагінаў Apple, Facebook і Google9

больш чытаных навін
больш лайканых навін

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу10

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу

Галоўнае
Усе навіны →

Заўвага:

 

 

 

 

Закрыць Паведаміць