Прэзідэнт Бяла-Падляскі не дазволіў фермерам заблакаваць дарогу ад мяжы з Беларуссю
Прэзідэнт Польскай Бяла-Падляскі Міхал Літвінюк забараніў арганізацыю пратэсту фермераў на аб'язной дарозе вакол горада. Яна з'яўляецца часткай нацыянальнай трасы, якая вядзе ад мяжы Беларусі да Варшавы, піша Most на падставе паведамленняў польскай прэсы.
Чарговы буйны пратэст фермераў у Польшчы запланаваны на сераду, 20 сакавіка. Сярод іншага яны мелі намер заблакаваць участак дарогі, якая вядзе ад памежнага пераходу ў Тэрэспалі і праз грузавы тэрмінал у Карашчыне.
Акцыю яны збіраліся праводзіць да 26 сакавіка, адкрываючы рух толькі раз на гадзіну цягам 15 хвілін. Між тым па дарозе штодня праходзіць да некалькіх дзясяткаў тысяч аўтамабіляў. Прычым апошнім часам сітуацыя на дарозе пагоршылася праз вялікую чаргу на мяжы.
«Уявіце сабе, які параліч горада і рэгіёну выклікалі б пратэстоўцы», — патлумачыў сваё рашэнне Літвінюк.
Акцыя не толькі заблакавала б міжнародны транзіт, але і ўскладніла б доступ да месцаў здарэнняў экстранным службам.
Падобную акцыю на той жа трасе арганізатары планавалі правесці з канца лютага, але тады яны не падрыхтавалі належным чынам дакументы.
Пратэсты фермераў працягваюцца ў Польшчы ўжо некалькі тыдняў. Яны пярэчаць супраць неабмежаванага імпарту сельгаспрадукцыі і Зялёнага курсу — экалагічнай і кліматычнай палітыкі ЕС.
Цяпер чытаюць
Памёр 50-гадовы спецназавец Буцько. Ён быў удзельнікам выкрадання і забойства Захаранкі і Ганчара36
Каментары
Ня могуць яны : то ў іх бацька 30 гадоў, цяпер ужо дзед. 🤦