Адразу ў чатырох раёнах пройдуць вучэнні тэрытарыяльнай абароны, у тым ліку на мяжы з Літвой
Вучэнні пройдуць з 2 па 4 красавіка ў Рагачоўскім і Кармянскім раёнах Гомельскай вобласці, у Гродзенскай вобласці ў Воранаўскім раёне, што на мяжы з Літвой. Таксама вучэнні пройдуць у Вілейскім раёне.
Ілюстрацыйнае фота
Так, у Воранаўскім раёне вучэнні пройдуць пад кіраўніцтвам намесніка старшыні Гродзенскага аблвыканкама.
Мэта вучэнняў — удасканаленне навыкаў афіцэраў запасу ў кіраўніцтве падпарадкаванымі сіламі тэрытарыяльнай абароны, а таксама навучанне складу воінскіх часцей тэрытарыяльных войскаў выкананню сваіх абавязкаў пры рашэнні задач тэрытарыяльнай абароны, паведаміла Міністэрства абароны.
Падчас вучэнняў плануецца адпрацаваць пытанні:
- аховы і абароны аб'екта тэрытарыяльнай абароны;
- удзелу ў забеспячэнні мер ваеннага становішча з прыцягненнем добраахвотнікаў народнага апалчэння.
Цяпер чытаюць
У Лепелі затрымалі паляка, які нібыта здабыў дакументы вучэнняў «Захад-2025»19
Каментары