Стральба ў школе ў Фінляндыі: адзін школьнік загінуў, двое атрымалі раненні. Стралку — 13 гадоў
Сёння раніцай у школе ў горадзе Вантаа, што ў ваколіцах Хельсінкі, адбыўся інцыдэнт са стральбой. Паліцыю выклікалі на месца здарэння прыкладна ў 9.08 раніцы, піша Yle.fi
Паводле звестак паліцыі, у выніку страляніны адзін школьнік загінуў, двое 13-гадовых параненыя. Паліцыя затрымала 13-гадовага падазраванага. Паліцыя таксама высвятляе, ці датычныя да здарэння іншыя асобы. Паліцыянты не каментуюць, якую зброю выкарыстаў нападнік.
Камісар па крымінальных справах Кіма Хіварынен заявіў, што паліцыя правяла буйнамаштабную аперацыю, у якой бралі ўдзел пяць кіраўнікоў следчых груп. Акрамя таго, да справы была прыцягнутая Цэнтральная крымінальная паліцыя. Паліцыя падазрае наўмыснае забойства і два замахі на забойства.
У 11:32 паліцыянты затрымалі стралка ў Хельсінкі. Затрыманы не аказаў супраціву. У яго знайшлі агнястрэльную зброю.
Здарэнне адбылося ў будынку школы Ёкіранта. У навучальнай установе працуюць каля 90 чалавек.
Вучні доўгі час знаходзіліся ў класах, але каля 13 гадзін іх пачалі адпускаць дадому з бацькамі.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары