Басманны суд Масквы задаволіў хадайніцтва следства і адправіў у следчы ізалятар журналіста Канстанціна Габава, паведаміла «Медуза» са спасылкай на прэс-службу судоў агульнай юрысдыкцыі.
У паведамленні прэс-службы Канстацін Габаў прадстаўлены як прадзюсар навінавай службы інфармацыйнага агенцтва Reuters. Пры гэтым ТАСС называе яго былым прадзюсарам Reuters.
У той жа час тэлеграм-канал «Осторожно, новости» піша, што ў 2022 годзе журналіст працаваў на тэлеканале «Белсат», а да гэтага — на тэлеканалах «Мир» і «Москва 24».
Габава абвінавачваюць па артыкуле аб удзеле ў «экстрэмісцкай супольнасці» (Частка 2 артыкула 282.1 Крымінальнага кодэкса РФ).
Па версіі следства, Габаў прыняў удзел у падрыхтоўцы фота– і відэаматэрыялаў для публікацыі на ютуб-канале «Навальны Live». У паведамленні прэс-службы суда сказана, што канал, маўляў, выкарыстоўваюць для публікацыі кантэнту Фонду барацьбы з карупцыяй, абвешчанага ў Расіі «экстрэмісцкай арганізацыяй».
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары