Падчас паводкі ў Бразіліі каню давялося некалькі дзён правесці на слізкім даху ВІДЭА
З канца красавіка на поўдні Бразіліі не спыняюцца паводкі. Паводле папярэдніх ацэнак, ад стыхіі пацярпелі больш за 350 тысяч чалавек, як мінімум 107 загінула. Супрацоўнікі мясцовага тэлеканала знялі на відэа каня, які, каб выратавацца, залез на дах аднаго з затопленых дамоў. Там ён правёў некалькі дзён, пакуль не прыбылі ратавальнікі.
Жывёліна, якая атрымала ў сацсетках мянушку Карамела, балансавала на двух вузкіх палосах слізкага асбесту ў Каноасе, горадзе ў сталічным рэгіёне Порту-Алегры, які з'яўляецца адным з найбольш пацярпелых раёнаў штата, паведаміла брытанская газета The Guardian.
У выніку ўсё завяршылася хэпі-эндам: жывёліне ўвялі седатыўныя прэпараты, пагрузілі на плыт і перавезлі ў бяспечнае месца. У аперацыі былі задзейнічаныя чатыры надзіманыя лодкі і чатыры дапаможныя судны з пажарнікамі, салдатамі і іншымі добраахвотнікамі.
Былога супрацоўніка контрразведкі КДБ арыштавалі за здраду дзяржаве9
Каментары