Грамадства2222

Прапаганда спрабуе адмыць Наталлю Эйсмант: кажуць, што яе «Ролекс» каштуе $100

І выпадкова апублікавалі дакумент, які сведчыць, што ў сям'і Эйсмантаў ёсць трэцяя кватэра — хай і службовая.

Праўладныя памыйкавыя тэлеграм-каналы адрэагавалі на інфармацыю «Альянс расследавальнікаў Беларусі» пра гадзіннік прэс-сакратаркі Аляксандра Лукашэнкі Наталлі Эйсмант, а таксама на артыкул пра яе нерухомасць.

Расследавальнікі заўважылі на руцэ гадзіннік Наталлі Эйсмант Rolex Datejust 31mm, які каштуе ад 19 да 22,6 тысячы еўра ў залежнасці ад колькасці брыльянтаў у афармленні.

Аднак прапагандысцкі тэлеграм-канал запэўнівае, што Эйсмант носіць падробку пад Rolex. У якасці доказу выстаўляецца скрыншот з сайта chasy.by, на якім можна купіць копію арыгінальнага гадзінніка за 331 рубель. Гэта $102 па цяперашнім курсе. 

Апроч таго, гаворка зайшла і пра кватэры Наталлі Эйсмант і яе мужа, кіраўніка БТ Івана Эйсманта. Прапаганда паспрабавала аспрэчыць той факт, што ў сям'і ёсць дзве кватэры. Але замест гэтага прызналася, што ў Эйсмантаў ёсць яшчэ і трэцяе жыллё.

Яшчэ ў маі 2018 года Наталля Эйсмант набыла кватэру жыллёвым комплексе «Алімпік-Парк» у Мінску — у доме №32 на вуліцы Ратамскай. Гэта дакладная інфармацыя, якую ніхто не аспрэчвае.

Пытанне ўзнікла да іншай кватэры Эйсмантаў, якая знаходзіцца на вуліцы Каменнагорскай, 16. Яе плошча — 118,4 метра. «Люстэрка» з дапамогай каманды Belpol высветліла, што Наталля Эйсмант набыла гэтую кватэру ў 2019 годзе.

Аднак пралукашэнкаўскія каналы сцвярджаюць, што гэта жыллё — службовае. І ў якасці доказу апублікавалі дамову аб перадачы Івану Эйсманту службовай кватэры. Вось толькі ў акце пазначана, што плошча гэтай перададзенай нерухомасці — 40,1 метра.

Адрас кватэры невядомы, але атрымліваецца, што гаворка ідзе яшчэ пра адну кватэру Эйсмантаў — трэцюю па ліку.

Каментары22

  • даведка
    15.05.2024
    При этом никто не стал опровергать и выдавать за дешёвую китайскую подделку серьги пиковой дамы за 5000€.
  • Саўдзельніца
    15.05.2024
    Кватэрай больш, кватэрай менш, завушніцы, ролексы - зразумела, што прадаліся за грошы, за гэтыя сотні тысяч даляраў будзеш не толькі стужкі рэзаць…
  • Чарка і шкварка©
    15.05.2024
    Ента ішчо нічэво ні значыць, кахбэ каранавірусаў ні было, то і ЗЕ!латая клюшка Балабы тожэ з хітразачосанай калекцыі, шоблы NATA ні паважна была мільдоній у Квітнеючай забіраць
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй

«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй

Усе навіны →
Усе навіны

У цэнтры Мінска сям'я качак дысцыплінавана скарысталася з пешаходнага перахода ВІДЭА7

Пад Брэстам сфармаваўся навальнічны каўнер ФОТАФАКТ1

У Пухавіцкім раёне загінуў трактарыст

У Ганцавіцкім раёне заўважылі віхор ВІДЭА2

Пратасевіч напісаў велічны пост пра «найцяжэйшую дыстрафію» і «караняплод»35

Латушка прызнаўся, што ўжо некалькі гадоў судзіцца са сваім былым паплечнікам Анатолем Котавым13

Антыкрызіснымі кіраўнікамі забароняць працаваць тым, хто судзіўся па палітычных артыкулах3

Ходзіць па Мазыры з аўтаматам: малады бацька паехаў ваяваць за Расію і не хавае гэтага16

У Жабінцы падлетка ўкусіла шалёная куніца3

больш чытаных навін
больш лайканых навін

«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй

«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй

Галоўнае
Усе навіны →

Заўвага:

 

 

 

 

Закрыць Паведаміць