Свет66

Да дэпутата бундэстага ад «Альтэрнатывы для Германіі», які прыязджаў у Беларусь, прыйшлі з ператрусамі

Пракуратура Мюнхена пачала расследаванне ў дачыненні да дэпутата Бундэстага ад правапапулісцкай «Альтэрнатывы для Германіі» Пятра Быстрана.

Пётр Быстран. Фота: яго фэйсбук

Раніцай у чацвер у яго правялі ператрусы ў некалькіх памяшканнях у Берліне, Баварыі і на Маёрцы. Быстрана падазраюць у хабарніцтве і адмыванні грошай, піша DW Belarus.

Ператрусы праводзяць 11 пракурораў і каля 70 паліцыянтаў. Падчас следчых дзеянняў былі канфіскаваны дакументы і носьбіты інфармацыі, якія, паводле слоў прадстаўнікоў пракуратуры, «цяпер аналізуюцца на прадмет наяўнасці доказаў, якія абвінавачваюць або апраўдваюць».

Расследаванне супраць Быстрана звязана са справай вакол прарасійскай прапагандысцкай платформы Voice of Europe. У канцы сакавіка ўлады Чэхіі заявілі, што раскрылі «сетку ўплыву, якая фінансуецца з РФ», якая займалася распаўсюдам расійскай прапаганды ў Еўропе і подкупам еўрапейскіх палітыкаў. Часткай гэтай схемы, паводле іх звестак, з'яўляецца Voice of Europe.

На сайце платформы, супраць якой паслы Еўрасаюза напярэдадні ўзгаднілі ўвядзенне санкцый, рэгулярна публікаваліся заклікі еўрапейскіх палітыкаў спыніць дапамогу Украіне.

Некаторым аўтарам гэтых заклікаў, як сцвярджае чэшскае выданне Denik N, за гэта плацілі грошы. Канкрэтных імёнаў чэшскія журналісты не называюць, але адзначаюць, што ў тым ліку на сайце публікаваліся інтэрв'ю сябраў АдГ — Пятра Быстрана, а таксама дэпутата Еўрапарламента ад гэтай партыі Максіміліяна Кра. Бундэстаг раней ухваліў расследаванне супраць Быстрана. Амаль усе парламенцкія фракцыі прагаласавалі «за», устрымалася толькі фракцыя АдГ.

У лістападзе 2022 года Быстран таемна прыязджаў у Беларусь — гэтую інфармацыю ён схаваў ад сваіх калег. Тады, паводле яго слоў, ён сустракаўся з міністрам замежных спраў Уладзімірам Макеем, а таксама з дэпутатам Андрэем Савіных. Акрамя гэтага, ён меў сустрэчы з прадстаўнікамі беларускіх праўладных арганізацый — Беларускага фонду міру і Беларускага інстытута стратэгічных даследаванняў.

Каментары6

  • Евро демократия
    16.05.2024
    Вот она европейская свобода слова. Им у себя в Европе можно задерживать кого угодно,а в Беларуси любое задержание это лукашизм?
  • Вельми цикава
    16.05.2024
    Заберут у него квартиры на Майорке, то?
  • За правду
    16.05.2024
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная

Усе навіны →
Усе навіны

У Беларусі ўвядуць адказнасць за гей-прапаганду. Штраф — да 800 рублёў5

Маскоўскае «Тарпеда», якое трэніруе беларускі спецыяліст, выключылі з Расійскай прэм’ер-лігі

У Літву з тэрыторыі Беларусі заляцеў нейкі апарат. Спачатку падумалі — шахед4

Аляксандр Машэнскі больш не ганаровы консул Ісландыі ў Беларусі4

У Кіеве забіты палкоўнік СБУ. Расійскія каналы пішуць, што ён займаўся дыверсіямі ў Расіі7

Заснаваны беларусам стартап выпусціў ШІ-браўзер

«Кружляў над Гомелем паўтары гадзіны». Што паведамлялі людзі пра расійскія дроны, што заляцелі падчас начной атакі Украіны

«Я задзяўблася!» Беларуска ў шаленстве ад якасці сувязі МТС14

Зеландыя: кантынент, які амаль цалкам схаваны пад вадою1

больш чытаных навін
больш лайканых навін

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная3

Каб доўга не стаяць на мяжы з Польшчай, дзяўчына скарысталася лайфхакам. Вынік: віза згарэла, вандроўка сапсаваная

Галоўнае
Усе навіны →

Заўвага:

 

 

 

 

Закрыць Паведаміць