Салаўёў расказаў, што за смерцю прэзідэнта Ірана стаіць агент «Элі Коптэр»
А гэта быў жарт з ізраільскіх сацсетак.
Расійскі прапагандыст Уладзімір Салаўёў паказаў у эфіры «Расіі 1» відэа французскага тэлеканала i24, на якім журналіст Даніэль Хайк расказвае, што ХАМАС абвінаваціў у смерці прэзідэнта Ірана агента ізраільскай разведкі па імені «Элі Коптэр». На гэта звярнуў увагу тэлеграм-канал «Кровавая барыня», адзначае тэлеканал «Дождь».
«Група ХАМАС, якая выказваецца ў тэлеграме, сцвярджае, што пілот верталёта быў агентам Масада. Яны нават называюць імя Элі Коптэр. Праўда гэта ці не, але, вядома, усё гэта частка тых чутак, якія ходзяць», — кажа Хайк.
Жарт пра «агента Масада на імя Элі Коптэр» {пераклікаецца з іншай назвай верталёта — гелікоптэр — НН} раней распаўсюдзіўся ў ізраільскіх сацсетках. «Жарт, які выйшаў з-пад кантролю», дайшоў да афіцыйнага тэлеграм-канала ХАМАС, які прывёў яго як факт, піша Jerusalem Post
Пасля дэманстрацыі відэа Салаўёў распавёў гледачам пра кнігу «Паўстань і забі першым», якая, паводле яго слоў, «тлумачыць, чаму для Ізраіля палітычнае забойства з'яўляецца абсалютна прымальнай формай барацьбы за выжыванне сваёй краіны».
Сын іранскага шаха: Спачуванні з нагоды смерці Раісі — гэта абраза памяці яго ахвяр
Верталёт прэзідэнта Ірана ўрэзаўся ў гару?
Іранскі пасол назваў імаверную прычыну крушэння верталёта прэзідэнта Раісі
Загінулы прэзідэнт Ірана збіраўся прыляцець у Беларусь
Перадаў «Шахеды» Расіі і кіраваў бізнэс-імперыяй аяталы. Хто такі Махамад Махбер — часовы прэзідэнт Ірана
Каментары
Элли хоптар, это хеликоптер или вертолет . Ахаха, ну и "эксперты" в студии соловья