Літаратура33

«Глядзі, другарадны герой трэцясортнай Элады». Новы верш Стася Карпава

Стась Карпаў апублікаваў у фэйсбуку новы верш.

Батумі. Фота: «Салідарнасць»

Глядзі, другарадны герой трэцясортнай Элады:
З такіх біяграфіяў робяцца толькі даклады.
Інструкцыі для недажыўшых да веку сталога.
І, можа быць… можа быць пара радкоў некралога,
Малітвы за ўсіх і нікога на брацкай магіле -
Два метры над крышкай — прыблізна сем футаў пад кілем.
Далёка заплыў, каб захраснуць у завужаным вусці
Героем для тостаў пра тых, хто не з намі чамусьці.

Навокал цяплее. Хвіліна, краіна, другая -
А я за сабой беларускую восень цягаю.
І холад, які пранікае у сэрца, у пальцы
Хоць біся у сопку башкой, хоць зарыйся у гальцы.

Такога заўжды і з паўслова пазнаеш адразу:
Бясконцая восень, дзе верасень — форма адказу
На ўсе твае мары гаротнай выгнанніцкай казкі,
Куды б ты ні сунуў халодны свой нос уцякацкі.

Сабакі глядзяць як іх горад ваюе з прыбоем.
Адчай і адчайкі усё запаўняюць сабою.
Я моўчкі знікаю пад іх несканчаемы клёкат
Ля чорнага-чорнага мора. Далёка-далека.

Батумі, 2024.

Каментары3

  • Лайк
    22.05.2024
    Зачапіла, хоць я і не ў выгнанні. Якасная паэзія, прачытаў двойчы.
  • але бліжэй да істарычэскай радзімы
    25.05.2024
    тут быў дзёрзкі, а там наадварот - млявы. не сойдзеце вы так ні тут, ні там за тэмпераментнага грузіна, Карпаў
  • дадам) спецыі)
    25.05.2024
    а за беларуса не сойдзеце тым больш

Цяпер чытаюць

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў54

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў

Усе навіны →
Усе навіны

Андрэй Ярмак пасля вобшукаў і звальнення заявіў, што пойдзе на фронт5

Манахіням, якія збеглі з дома састарэлых у свой манастыр, дазволілі застацца там пры ўмове, што яны пакінуць сацсеткі

Уначы быў закрыты аэрапорт у Вільні 

Міліцыя, БТ і тысячы ботаў. Даследчыкі раскрылі, хто і як маніпулюе беларускім тыктокам18

Трамп ануляваў большасць дакументаў, падпісаных Джо Байдэнам12

Да 2100 года палова сусветных пляжаў можа знікнуць3

У Чорным моры гараць ужо два танкеры з расійскага ценявога флоту12

З «памілаванага» ксяндза Генрыха Акалатовіча хочуць спагнаць вялізны штраф6

Уіткаф даедзе да Пуціна ў першай палове наступнага тыдня4

больш чытаных навін
больш лайканых навін

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў54

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў

Галоўнае
Усе навіны →

Заўвага:

 

 

 

 

Закрыць Паведаміць