Кіраўнік раёна ў Курскай вобласці нарыхтоўваў дровы на фронт — і яго забіла дрэвам
Кіраўнік Савецкага раёна Курскай вобласці Сяргей Бялых загінуў у выніку падзення дрэва. У гэты момант ён нарыхтоўваў дровы для салдат, якія ўдзельнічаюць у вайне супраць Украіны, піша Astra.
Сяргей Бялых. Фота: РІА Курск
«Падчас работ па нарыхтоўцы дроў для патрэб фронту недалёка ад пасёлка Кшэнскі адбылося трагічнае здарэнне. У выніку падзення ссечанага дрэва пацярпеў в. а. кіраўніка Савецкага раёна Сяргей Валянцінавіч Бялых», — расказаў в.а. губернатара Курскай вобласці Аляксей Смірноў.
Неадкладна чыноўніка даставілі ў раённую бальніцу для аказання дапамогі. Аднак праз сур'ёзныя траўмы ён памёр.
Каментары