У панядзелак, 8 ліпеня, у цэнтры Мазыра загарэўся гандлёвы цэнтр, які будуецца. Гэта ўжо другі пажар на аб'екце за год.
Відэазапісы з пажарам у прыбудове гандлёвага цэнтра «Глобал» апублікавалі ў сацсетках жыхары горада і мясцовыя паблікі.
Гэта ўжо другі пажар на аб'екце, які будуецца, за апошні год.
Мінулай восенню на будынку загарэўся дах. Цяпер пажар здарыўся з боку ўваходу ў будучы ГЦ.
Паводле паведамлення Міністэрства надзвычайных сітуацый, пра ўзгаранне стала вядома 8 ліпеня ў 11:03.
Агнём у выніку было знішчана 2 кубаметры ўцяпляльніка. Пашкоджаная абшыўка будынка на плошчы 200 квадратных метраў.
Пацярпелых няма. Да прыбыцця ратавальнікаў 26 рабочых пакінулі будынак самастойна.
Прычына пажару высвятляецца. Адна з версій — неасцярожнае абыходжанне з агнём пры курэнні.
Каментары