«Заснулі на Каліноўскага, прачнуліся на Машэрава». У Кобрыне за ноч прыбралі паказальнікі з прозвішчам Каліноўскі ВІДЭА
Мясцовы савет дэпутатаў вырашыў перайменаваць вуліцу Каліноўскага. У грамадскім абмеркаванні паўдзельнічалі ўсяго 19 чалавек.
У Кобрыне вуліцу Каліноўскага перайменавалі ў вуліцу Машэрава. У сваю чаргу былая вуліца Машэрава ў горадзе цяпер называецца Яловая. Мясцовыя жыхары распавялі ў тыктоку, што паказальнікі памянялі за адну ноч.
«Заснулі на Каліноўскага, прачнуліся на Машэрава», — кажа аўтар відэа.
Рашэнне аб перайменаванні вуліцы Савет дэпутатаў прыняў 26 чэрвеня па прапанове райвыканкама. Перад гэтым чыноўнікі правялі так званае грамадскае абмеркаванне гэтай ідэі.
У гэтым абмеркаванні ў горадзе з насельніцтвам 52 тысячы ўзялі ўдзел 19 чалавек — менавіта столькі электронных зваротаў паступіла ў выканкам.
З іх 12 чалавек падтрымалі прапанову перайменаваць вуліцу Каліноўскага, шэсць выступілі супраць. Яшчэ два чалавекі падтрымалі перайменаванне вуліцы Машэрава ў Яловую.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме26
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары